اقوام متحدہ نا چارٹرنا رداٹ ساہدار تیا ہم پیلٹ گن آتا کاریم اٹ اتنگ جرم ءِ، پارلیمانی کشمیر کمیٹی نا چیئرمین شہریار آفریدی نا ٹویٹ

اسلام آباد۔ 31 اگست (اے پی پی) پارلیمانی کشمیر کمیٹی نا چیئرمین شہریار آفریدی پارینے کہ اقوام متحدہ نا چارٹرنا رداٹ ساہدار تیا ہم پیلٹ گن انا کاریم اٹ اتنگ جرم ءِ، بھارت کودک کشمیری تیا دا سلہہ ءِ کاریم اٹ اتسا انسانی حق انا رکھوک ادارہ غاتیا ملنڈ خلنگ ءِ۔ یک شنبے نادے آ تینا اسہ ٹویٹ اسے ٹی اوپارے کہ مودی نا تعینات کروک درندہ غاک محرم نا پرامن جلوس ءِ ہم الیتوس۔ شہریار آفریدی پارے کہ مودی سرکاری داپہہ مرے کہ کشمیری تا نظریہ آزادی اونا طاقت آن بھاز زیات سوگو ءِ، مقبوضہ کشمیر اٹی بھارتی فورس آک محرم نا جلوس آ بیدادی کننگ ءُ۔ شہریار آفریدی پارے کہ دنیا ٹی انسانی حق انا رکھوک آتے دا ظلم انا ورندی ءِ تروئی مریک۔ شہریارآفریدی ٹویٹ اٹی پارے کہ مودی سرکاری ءِ معلوم مرے کہ کشمیر نا آزادی نا جہد امام حسین نا وژن نارداٹ ءِ۔ شہریار آفریدی پارے کہ حسین نا پن ءِ ہلوک آتے طاقت نا زور آ وخت اس ہم شکست تننگ مفک۔ محرم نا جلوس آتیا بھارتی پیلٹ گن آتا شست مروک آ کشمیری ایلم تے خن تا روشنائی آن محروم کننگا۔ دابیدادی تیان پد ہم بھارتی فورس آک کشمیری تا است آن اسلام نا مہرومریبت ءِ کشنگ کتوس۔