اسلام آباد۔ 31 اگست (اے پی پی) چیئرمین سینیٹ محمد صادق سنجرانی پارینے کہ قطراتون دوستانہ تعلقداری ءِ اہم سرپند کینہ، ہڑتوم آ ملک آک مشکل وخت اٹی اسہ ایلو تون تفینو، کوروناوائرس نا دین انا سوب آن جہانی و علاقائی کہول آ بھلو حالیت اس ودی مسنے، حکومت دین انا مون ءِ توننگ کن ہروڑنا کوشست کننگ ءِ، جہانی و علاقائی کہول آ پارلیمان تیا ساڑی حالیت آتیٹی بھلو زمواری اس مریک۔ دوشنبے نادے آ سینیٹ سیکرٹریٹ نا رداٹ داخیال آتا درشانی ءِ او دوشنبے نادے آ قطر انا سفیر شیخ سعود بن عبدالرحمان الثانی تون اوڑدہی ٹی کرے۔ اوڑدہی ٹی اہم باندات، کورونا دین انا سوب آن ودی مروک حالیت، علاقائی و جہانی حالیت، ادارہ جاتی کمکاری آ گپ وتران مس۔ چیئرمین سینیٹ پارے کہ قطراتون دوستانہ تعلقداری تے اہم سرپند کینہ۔ ہڑتوم آ ملک آک مشکل وخت اٹی اسہ ایلو تون تفینو۔ کوروناوائرس نا دین انا سوب آن جہانی و علاقائی کہول آ بھلو حالیت اس ودی مسنے۔ دین انا برخلاف جہانی کہول آ اواری اٹ کوشست کننگ نا گرج ءِ۔ حکومت دین انا مون ءِ توننگ کن ہروڑنا کوشست کننگ ءِ۔ جہانی و علاقائی کہول آ پارلیمان تیا ساڑی حالیت آتیٹی بھلو زمواری اس بیٹ مریک۔ اسیجائی لائحہ عمل اس پک کننگ نا وخت بسنے۔ جہانی زرگزران تیا دین انا منفی زہم تمانے۔ زرگزرانی سرجزآتے برجاتخنگ کن لائحہ عمل اس پک کننگ نا گرج ءِ۔ زرگزرانی حالیت آتے بحال کننگ بھاز المی ءِ۔ پارلیمانی کمکاری ءِ مون آ دننگ آ امنا کننگا۔ کورونا دین انا مون ءِ توننگ کن تین پہ تینی کمکاری آ زور شاغنگا۔ اہم فورم تیا ہڑتوم آ کنڈآتا کمکاری اسہ ایلو آ پت ءِ ظاہر کیک۔ آئی پی یو، ایشیائی پارلیمانی اسمبلی و ایلو اہم باندات فورم تیا بے مٹ کمکاری ءِ۔ پاکستان اٹی زرکاری نا بھلووارخواہی اس ارے۔ قطرانا زرکارآک پاکستان اٹی زرکاری نا وارخواہی تیان فائدہ ہرفنگ کیرہ۔ توانائی، انفراسٹرکچر، کانڑکنی وایلو بشخ آتیٹی زرکاری آن زرگزرانی سرجزآتے ترند کننگ مریک۔
