اسلام آباد ۔ 30 اگست (اے پی پی) سینیٹ ءِ چیئرمین محمد صادق سنجرانی ءَ عاشورہ ءِ روچ ءِ درگت ءَ راج ءِنام ءَ کلوہ داتگ ءُ گشتگ کہ عاشورہ ءِ روچ مارا اے عظیم قربانی ءِ یات ءَگیج ایت کہ حضرت امام حیسن ءُ آئی ءِ ہمراہ آں پہ دین ءِ رکینگ ءِ ھاترءَ داتگ۔ حضرت امام حسین ءِ عظیم قربانی آں چہ مارا زند ءِ ہمک پڑ ءَ راہشون رسیت۔اگاں ما حضرت امام حیسن ءِ جہدءُ کوشستانی رندگیری ءَ بہ کن اَنت گڑا چاگرد ءِ درائیں جیڑہ ءُ جنجال گیش ءُ گیوار کنگ بنت۔ آئی ءَ گشتگ کہ کربلا ءِ وئیل مارا حاسیں درس دنت کہ چاگرد ءُ ریاست ءِ کار ءُ کرد لتگیں مردم ءُ یک گروہ ءِ واہشتانی ردءَ کنگ نابنت ۔ آئی ءَگشتگ کہ کربلا ءِوئیل ءِ عظیم قربانی مارا اے درس ءَ دنت کہ انسان حق ءَرا حق ءُ باطل ءَ را باطل گشگ ءِ وتی تہ ءَ حوصلہ پیداک بہ کنت۔ مرچیگیں روچ خَاتم اَلنّبِیین صلی اللہ علیہ و علی آ لہ و اصحٰبہ و سلم ءِ ءِ نماسگ ، بی بی بتول ءِ لاڈل ءِ پہ حق ءُ اسلام ءِ ھاترءَ قربانی دیئگ ءِ روچ اِنت۔ مارا محرم الحرام ءِ موہ ءَ را حضرت امام حسین رضی اللہ تعالیٰ عنہ ءُ آئی ءِ عظیم خانوادہ ءَ را داد ءُ سلام پیش کنگءَ ہوار اے جزم ہم کنگ لوٹ ایت کہ وتی درائیں کاراں رسالت صلی اللہ علیہ وآلہ واصحابہ وسلم ءِ حاندان ءِ رندگیری ءَ کنان ءَ کناں۔ اللہ تعالیٰ مے درسانی پشت ءُ پناہ بات۔
