اسلام آباد ۔ 30 اگست (اے پی پی) کشمیر ءُ گلگت بلتستان پڑ ءِ بنجاہی وزیر علی امین خان گنڈاپورءَ مقبوضہ کشمیر ءَ محرم الحرام ءِ جلوس آنی سرءَ بھارت ءِ تیرگواری کنگ ءَ را ایر جتگ ءُ گشتگ کہ بھارت وتی اے وڑیں کاراں چہ سرجمیں دنیا ءِ دیما پجارگ بوتگ۔ بنجاہی وزیر ءَ گشتگ کہ مقبوضہ کشمیر ءِ اُلس ءِ تہ ءَ حسینیت ءِ جوش ءُ جزبگ اَست۔ مقبوضہ کشمیر ءِ اُلس باطل بھارت ءِ دیما کدی ہم سرجہل ناکناں۔ علی امین گنڈاپور ءَ گشتگ کہ مقبوضہ کشمیر ءِ اُؒس ءَ داہم ءَ زُلم ءُناحق ءِ دیما سرجہل ناکتگ۔ حقءُ باطل ءِ اے جنگ ءَ حق سوبمند بیت، بھارت اے وڑیں گامگیجاں چہ دمگ ءِ ڈیموگرافی ءَ را وتی حق ءَ کنگ لوٹ ایت۔ بنجاہی وزیرعلی امین گنڈاپور ءَ گشتگ کہ نریندر مودی ءِایجنڈہ ءِ سرجم کنگ ءِھاترءَ مقبوضہ کشمیر ءَ غیر ریاستی مردم آباد کنگ بوہگءَاَنت۔ معصومیں کشمیری ورناہ دروگیں سرچ آپریشن ءُ مقابلہ آں شہید کنگ بوہگءَ اَنت۔ آئی ءَ گشتگ کہ میاں اوستمانی براتی کشمیری آں وت واجہی ءِ حق ءِ دیئگ ءِ ھاترءَ عملی گامگیج بہ کن اَنت۔
