لاہور۔30 اگست (اے پی پی ) پنجاپ ءِ سروزیر سردار عثمان بزدار ءَ گشتگ کہ محرم الحرام مارا شہیدآنی سردار حضرت امام حیسن ءِ حق ءِ راھ ءَ نیمرانیں قربانی ءِیات ءَ گیج ایت۔ کربلا ءِوئیل ءَ چہ مارا درس رسیت کہ باطل ہلاس بیت ءُ حق زندگ بیت۔ حضرت امام حسین ءَ حق ءِ علم ءَ را بُرز کتگ ءُ ناحق ءِ دیما سرجہل ناکتگ۔ حضرت امام حیسن ءُ کربلاءِ ایندگہ شہیدآنی گم تاں قیامت است بیت۔ سروزیر عثمان بزدار ءَ عاشورہ ءِ روچ ءَ وتی کلوہ ءَ گشتگ کہ کربلا ءِ عظیم قربانی آں دین اسلام ءِ برزادی، سگ ءُ اوپار ءُ قربانی ءَ را تاں قیامت زندگ کتگ۔ آئی ءَگشتگ کہ جموں ءُ کشمیر ءَ ہم زلم ءُ ناحقی کنگ بوہگ ءَ اِنت بھارت ءِنیمگ ءَ چہ بلے ہزاراں کشمیری آں وتی جان ندر کتگ ءُ کربلا ءِ یات ءَ تازا کتگ۔ زالم مودی ءَ مقبوضہ کشمیر ءَ زُلمءُ ناحقی کتگ ءُ یزید جوڑ جوڑ بوتگ۔ آ روچ ہم دور نااِنت کہ شہیدآنی حون مٹ کاراں، مودی ءِ نام ءُ نشان گارءُ بیگواہ بیت۔ آئی ءَ گشتگ کہ حضرت امام حیسن ءُ آئی ءِ ہمراہ آں کربلا ءِ میدان ءَ داتگیں نیمرانیں قربانی پہ مے ھاترءَ سکین اَنت۔
