کربلا ءِ روچ مارا اے گپ ءِ یات ءَ گیج ایت کہ اسلام ءِ سربلندی ءِ ھاترءَ مارا ہرچ وڑیں قربانی دیئگ لوٹ ایت، شبیری جوشءُ جزبگ مسلمان آنی ایمان ءُ یقین، راستی ءُ اصول دوستی ءِ دودءَ را زندگ کنت، مزن وزیر عمران خان ءِ عاشورہ ءِ روچءِ درگت ءَ کلوہ

اسلام آباد ۔ 30 اگست (اے پی پی) مزن وزیر عمران خان ءَ عاشور 10 محرم الحرام 1442ھ ءِ موہءَ راج ءِ نام ءَ وتی کلوہ ءَ گشتگ کہ مرچی سرجمیں دنیان ءِ مسلمام بی بی بتول ءِ لاڈل، خَاتم اَلنّبِیین صلی اللہ علیہ و علی آ لہ و اصحٰبہ و سلم ءِ نماسگ حضرت امام حسین رضی اللہ تعالیٰ عنہ ءِ شہادت ءِ بے مٹیں ءُ نیمرانیں قربانی ءِ یات ءَ گیج ایت۔ اسلام ءِ راج دپتر ءَ اے رو چ ءَ را بازیں ارزشتے است ءُ روچ ءَ را کربلا ءِوئیل ءَ گیش ارزشت مند کتگ۔ آئی ءَگشتگ کہ اے روچ مارا اے گپ ءِ یات ءَ گیج ایت کہ زور ءُ ناحق ءُ زالم ءِ دیما گوں محکمی ءَ بوشت ۔ مزن وزیر عمران خان ءَ گشتگ کہ اے موہ ءَ مارا بھارتی زُلم ءُ ناحقیاں سگ ءُ اوپار کنوکیں جموں ءُ کشمیر ءِ اُلس ءِ قربانی آں ہم دادءُسلام پیش کنگ لوٹ ایت کہ آ حق ءِ سرءَ اَنت ءُ آیاں سنت ِ امام حسین ءَ را زندگ کتگ ءُ کربلا ءِ وڑءَ کشمیر ءَ را ہم حق ءُ باطل ءِیک عظیم درورے جوڑ کتگ۔ آئی ءَگشتگ کہ اے موہ ءَ ماتیں وطن ءِ دیمروئی ءُ وشھالی ءِ ھاترءَ الم ءَ دعا بہ کن اِت۔ اللہ تعالیٰ شمے دعا آںقبول بہ کنت۔