اسلام آباد ۔ 30 اگست (اے پی پی) ملک مستر ڈاکٹر عارف علوی ءَ عاشورمحرم الحرام 1442 ءِ موہ ءَ راج ءِ نام ءَ وتی کلوہ ءَ گشتگ کہ عاشورہ ءِ روچ بزاں دہہ محرم الحرام ءَ را اللہ تعالیٰ ءَ چہ اولی روچءَ بازیں شرفے داتگ۔ اے رمس ءَ انسانیت ءِ بازیں وئیلے بوتگ، انچش کہ حضرت آدم ءِ توبہ قبول بوتگ، حضرت نوح ءِ لانچ گوں سلامتی ءَ جودی کوہ ءِ سرءَ ایر کنگ بوتگ، حضرت سیدنا ابراہیم ءِ سرءَ نمرود ءِ روک کتگیں آس گُل ءُ گلزار بوتگ ءُ دومی خلیفہ حضرت عمر ہم یکم محرم الحرام ءَ را شہید کنگ بوتگ۔ آئی ءَ گشتگ کہ حضور نبی کریم خَاتم اَلنّبِیین صلی اللہ علیہ و علی آ لہ و اصحاٰبہ و سلم ءِ نماسگ واجہ امام عالی مقام حضرت امام حسین ءَ وتی لوگ ءِ مردم ءُ دوست ءُ عزیزاں گوں کربلا ءِ میدان ءَ یوم عاشورہ ءَ شہادت حاصل کتگ ءُ اے روچءَ را تاں قیامت ءَ اسلام ءِ راج دپتر ءَ نمیران کتگ۔ اے روچءَ نواسہ رسول خَاتم اَلنّبِیین صلی اللہ علیہ و علی آ لہ و اصحاٰبہ و سلم ءِ نماسگ ءِ شہادت ءِ عظیم وئیل ہمک سال مسلمان آں اے گپ ءِ یات ءَ گیج ایت کہ زالم ءُ زوراک ءِ مقابلہ کنگ ءِ ھاترءَ وتی جان آں ندر کنگ ءَ پشت ماکنز اِت۔ آئی ءَ گشتگ کہ مارا لوٹ ایت کہ ما کست ءُ کینگ ءُ زِدءُ حسد ءَہلاس بہ کن اَنت ءُ ملکی دیمروئی ئُ وشھالی ءِ ھاترءَ یکجاہ بباں ءُ کار بکن اَنت۔ آئی ءَ اللہ تعالیٰ ءِ گور ءَ دعا کتگ ءُگشتگ کہ اے اسلامی سال مے ملک ءِ دیمروئی ءُ وشھالی ءِ ھاترءَجوانیں سال بنت۔ اللہ تعالیٰ مے درساں پُشتءُ پناہ بات۔
