بھارت پسو بہ دنت کہ مقبوضہ کشمیر ءَ عزاداری ءِ سر ءَ بندش چیا جتگ، شاہ محمود قریشی نیک راھی آزاتی ءِ تران ءَ کنوکیں میاں اوستمانی گل چیا ھاموش انت، ملتان ءَ حسینہ کانفرنس ءَ گوں وزیر ءِ درئی کار ءِ گشتانک

ملتان ۔29 اگست (اے پی پی) وزیر ءِ درئی کار مخدوم شاہ محمود قریشی ءَ گوشت کہ حضرت امام حسین ءِ فلسفہ شہیدی ءَ را پھمگ وھد ءِ ضلورت انت۔ حسینیت ءِ فلسفہ بنی آدم ءَ را ترس ءَ چہ آزاتی دنت ءُ مقبوضۃ کشمیر ءِ الس ھمے فلسفہ ءِ سر ءَ وتی آجوئی ءِ جہد ءَ را داشتگ۔ اے ھیالانی درشانی آئی ءَ شمبے ءِ روچ ءَ رضا ہال ملتان ءَ 42 چیل ء دوھمی ھمک سالی حسینیت کانفرنس ءَ گوں گشتانک ءِ ساھت ءَ کت۔ مخدوم شاہ محمود قریشی ءَ گوشت کہ مقبوضہ کشمیرر ءَ مرچی عزاداری ءُ محرم الحرام ءِ جلوس ءِ سر ءَ بندش انت، آئی ءَ گوشت کہ آھودا مردم بندی انت، ائید آنی نماز ءِ وانگ ءِ اجازت نیست انت۔ آئی ءَ گوشت کہ بنی آدم ھک آنی واستہ زور جنوکیں گل مقبوضہ کمشیر ءَ بھارتی ظلم آنی سر ءَ نوٹس بہ زور انت۔