اپوزیشن ءَ راجی اسمبلی ءَ ایف اے ٹی ایف بل ءِ کمک کتگ، سینیٹ ءَ ھلاپ کتگ، وزیر ءِ درئی کار ءِ ممتاز آباد ءَ میڈیا ءَ گوں تران

ملتان ۔29 اگست (اے پی پی)وزیر ءِ درئی کار مخدوم شاہ محمود قریشی ءَ گوشت کہ ناشرکار ءَ را گیش دمینوک آنی ھلاپ ءَ یک مشت بوھگ ءُ کار کناں۔ ملتان ءِ ایمنی ءِ دروری انت نوھمی محرم ءَ ممتاز آباد ءِ بنجاھی جلوس ءَ من ساڑی آں۔ جلوس ءَ ایل سنت ءُ ایل تشیح ءِ یکجائی ءَ عزاداری جاڑٰی انت۔ امام حسین ءُ کربلا ءِ شہید آناں توسیپ ءُ ستا پیش کنگ بوھگ ءَ انت۔ شہید آنی یات ءَ ورگ ھیرات کنگ بوھگ ءَ انت۔ محرم ءِ ماھ ءِ درگت ءَ انتظامیہ ءَ جوانیں بست ءُ بند کتگ۔ آئی ءَ گوشت کہ پولیس ءُ انتظامیہ کارگس آنی تہ ءَ ناں عزادار آنی رکھینگ ءُ پاسبانی ءِ ھاترا دگ آنی سر ءَ اوشتاتگ انت۔ من ایشاناں سلام پیش کناں۔ آئی ءَ گوشت کہ دعا انت کہ محرم ءِ ماہ گوں ایمنی ءَ بہ گوز ایت۔ اے ھیالانی درشانی آئی ءَ گوستگیں روچ ءَ ممتاز آباد ءَ نوھمی محرم الحرام ءِ بنجاھی جلوس ءِ موہ ءَ میڈیا ءَ گوں تران کنان ءَ کت۔