کراچی۔29 اگست(اے پی پی) نواسہ رسول جگر گوشہ بتول حضرت امام حسین ءِ بے مٹیں کربانی ءُ آئی یے شہید بوھگ ءَ را توسیپ ءُ ستا پیش کنگ ءِ واستہ 9 محرم الحرام ءِ ٹوھیں جلوس شمبے ءِ روچ ءَ نشتر پارک ءَ چہ بوھان ءَ تراب اسکائٹس ءِ سروکی ءَ برآمد بوت ایش وتی گیشینتگیں کشک ءَ نماش، پیپلز چورنگی، پریڈی اسٹریٹ، صدر، تبت سینٹر، جامع کلاتھ، بولٹن مارکیٹ ءَ چہ بوھان ءَ حسینہ ایرانیان کھارادر ءَ پچ ات ءُ گڈا کنگ بوت۔ ایشی ءَ چہ پیسر نشتر پارک ءَ جلوس ءَ گوں تران کنان ءَ علامہ شہنشاہ حسین نقوی ءَ فلسفہ شہادت ءُ کربالا ءِ بے مٹیں کربانی آنی سر ءَ چمشانک دیان ءَ امام حسین ءُ آئی ءِ ھاندان ءَ بے دروریں کربانی دات ایشی ءِ سبب ءَ اسلام برز ءُ بلند بوت۔ جلوس ءِ تہ ءَ ذولجناح، علم ، شبیہ ءُ ایندگر زانتکار ھم ھوار اتنت۔
