راولپنڈی۔29 اگست (اے پی پی)کراچی ءَ ھور ءَ چہ آماچیں دمگ آنی تہ ءَ پاک اُرد ءُ پاک بحریہ ءِ نیمگ ءَ کمی کاروائی جاڑی انت۔ اُرد ءِ شوبگ آئی ایس پی آر ءِ رد ءَ موبائل ٹیمب آنی وسیلگ ءَ ھور ءَ چہ آماچیں دمگ آنی تہ ءَ راشن ءَ ھوار بنیاتی سامان پجاری کنگ بوھگ ءَ انت، بنیاتی آسراتی آناں دل یکیمی کنگ ءِ واستہ جتا جتائیں ھند آنی تہ ءَ آپ ءِ کشگ ءِ کار جاڑٰ ی انت، پاک آرمی انجینئرز آں شاہراہ فیصل ءِ سر ءَ COD انڈر پاس ءَ را ٹریفک ءِ واستہ پچ کنگ بوتگ وھدیکہ پی ٹی انڈر پاس ءِ سر ءَ کار جاڑی انت۔ ٹریفک ءِ رو2گ ءُ آیگ ءَ را برجا کنگ ءِ واستہ سیلاپ ءِ آپ ءِ تہ ءَ پستگیں گاڑی آناں کشگ ءِ واستہ آرمی موبائل ریکوری گاڑی جتا جتائیں ھند آں اوشتاتگ انت۔ سول انتظامیہ ءِ کمی ءَ چہ 32 ایمرجنسی میڈیکل ءُ 56 ریلیف کمیپ کراچی ءِ جتا جتائیں دمگ آنی تہ ءَ آماچیں مردم آنی کمک ءَ دزگٹ انت۔ سیلاپی آپ ءَ چہ آماچیں دمگ ءِ پستگیں مردم آناں گراستگیں ورگ پجاری کنگ بوھگ ءَ انت۔ قیوم آباد ، سرجانی ءُ ساڈی کوچگ ءِ تہ ءَ 3 آرمی فیلڈ جان سلامتی کیمپ جوڑ کنگ بوتگ۔ آرمی ڈاکٹر ءُ جان سلامتی کمکار سیلاپ ءِ آماچیں مردم آناں زوتیں رد ءَ جان سلامتی کمک پجاری کنگ ءَ انت۔
