اسلام آباد ۔ 29 اگست (اے پی پی) مزن وزیر عمران خان ءَ گوشت کہ سرجمیں راج کراچی ءِ الس ءِ درد ءَ سما کنگ ءَ انت، کراچی ءِ ٹوھیں جیڈھ آنی گیواری ءِ واستہ بنجاھی حکومت سندھ حکومت ءِ گوما یکجاھی ءَ گامگیج چست کنگ ءَ انت۔ شمبے ءِ روچ ءَ وتی ٹویٹ ءَ مزن وزیر عمران خان ءَ گوشت کہ سرجمیں راج اے درد ءَ سما کنگ ءَ انت۔ آئی ءَ گوشت کہ اے ٹوھیں سیلاپ ءُ توپان ءِ گوما زوتیں رد ءَ دیم پہ دیمی ءِ بابت ءَ جوانیں گومگیج ایش بوتگ کہ بنجاھی حکومت سندھ حکومت ءِ گوما یکجائی ءَ کار کنگ ءِ واستہ 3 ٹوھیں جیڈھ آںی گیواری ءَ گامگیج چست کنگ ءَ انت۔ ایشی ءِ تہ ءَ سرجمیں شہر ءِ نالی آناں سرجمیں رنگ ءَ سپائی، آپی کشک ءُ نالی آنی سپائی ءُ آپ ءِ راھ آںی سر ءَ دیوار ءُ ایندگر پینگ آنی دور کنگ، آکوٹ آںی ساپ کنگ ءِ پکوئیں رنگ ءَ ایشانی سرجمیں رنگ ءَ ساپ ءُ سلہ ئی ءُ کراچی ءِ الس آناں آپ ءِ پجاری ءِ وڑیں بنیاتی ءُ ارزشتی ایں جیڈھ آںی گیواری ھم ھوار انت۔
