بنجاھی ءُ سندھ حکومت ءِ یکجائی ءَ کار جوانیں دیمروئی ات، ایشی ءَ چہ ھور ءُ ارگ ءِ سبب ءَ کراچی ءِ استیں ڈکال آنی گیواری ءَ کمک رسیت۔ صدر ءِ مملکت ڈاکٹر عارف علوی ءِ ٹویٹ

اسلام آباد ۔ 29 اگست (اے پی پی) صدر مملکت ڈاکٹر عارف علوی ءَ کراچی ءِ جیڈھ آنی گیواری ءِ واستہ بنجاھی ءُ صوبائی حکومت ءِ یکجائی کار ءَ را ساڑاتگ۔ شمبے ءِ روچ ءَ وتی یک ٹویٹے ءِ تہ ءَ صدر ءِ مملکٹ ڈاکٹر عارف علوی ءَ مزن وزیر عمران خان ءِ نیمگ ءَ کراچی ءِ جیڈھ آنی گیواری ءِ واستہ پیسر ءَ چہ کتگیں ٹویٹس آنی بابت ءَ گوشت کہ بنجاھی ءُ سندھ ءِ صوبائی حکومت ءِ نیام ءَ یکجائی ءُ یک مشتی ءَ کار ءِ پیسلہ باز جوانیں پیسلہ ات۔ آئی ءَ گوشت کہ اے پیسلہ ءَ چہ ھور ءُ ارگ ءِ سبب ءَ کراچی ءِ استیں ڈکال آنی گیواری ءَ کمک رسیت بلکینگ ءَ ایشی ءَ چہ آیوکیں باندات ءِ منصوبگ آنی تہ ءَ جوانیں کمی رسیت۔