لاہور۔28 اگست (اے پی پی ) گور نر پنجاب چوہدری محمدسرور ءِ گوما بنجاہی وزیر دفاع پرویز خٹک ءَ گند ءُ نند کتگ۔ایشی ءِ تہ سیاسی ءُ حکومتی معاملہانی ھوار دگہ ایشوز ءِ باروا گپ ءُ تران کتگ، گور نر پنجاب چوہدری محمدسرور ءَ گوشت کہ ایف اے ٹی ایف ءِ معاملہ سرا اپوزیشن ءِ تب ملکی مفاد ءِ تہ نیست انت ءُ سیاسی نہ بلکہ راجی مفاد ءَ را ترجیح دیگ بیت۔آہاں گوشت کہ مزن وزیر عمران خان ءِ راھشونی ءَ حکومت تپاک ءُ مھکم انت، مارا اپوزیشن چہ پارلیمنٹ ءِ تہ ءُ ڈن ءَ ہچ ھطرہ نیست انت۔ بلکہ 2023ءتاں تحر یک انصاف ءِ حکومت ءَ راعمران خان بطور وزیر اعظم وتی آئینی وھد سرجم کن ایت۔ گور نر پنجاب ءَ گوشت کہ عمران خان ءِ ہچ سیاسی ءُ جندی ایجنڈہ نیست انت ءُ ایوکا پاکستان ءِ دیمروئی ءُ وشھالی ءِ ھاترا کار کنگی انت۔آہاں گوشت کہ اے وھد سیاست کنگ ءِ نست انت بلکہ اپوزیشنءَ را لوٹ ایت کہ آں ایف اے ٹی ایف ءِ ھوار ملکی مفاد ءِ تہ بیوکیں دراھیں قانود ساچی ءِ تہ حکومت ءِ نہ ایوکا کمک ءَ کن انت بلکہ وتی جمہوری ءُ پازیٹو کرد ءَ ادا کن انت۔آہاں گوشت کہ ملکءَ را اے وھد ءَ یکجہتی ءِ ضلورت انت۔گورنر پنجاب ءَ گوشت کہ آئین ءُ کانود ءِ حاکمی حکومت ءِ اولی دلگوشی انت۔(ن۔ا۔ج)
