اسلام آباد۔ 28 اگست (اے پی پی) کشمیری باہوٹ آتے کورونا وائرس آن بچفنگ کن قطرانا سفیر شیخ سعود چیئرمین پارلیمانی کشمیر کمیٹی شہریارآفریدی ءِ طبی گڑاتا عطیہ اس پیش کرے۔ امداد اٹ این 95 ماسک، دوائی، نبض آکسیمٹرز و ایلو طبی گڑاتا کھیپ اوار ءِ۔ چیئرمین پارلیمانی کشمیر کمیٹی شہریارآفریدی داوخت آ گپ وتران کرسا پارے کہ دا امداد آن اوغان باہوٹ آتے دینی مرض انا برخلاف جنگ اٹ بھاز کمک رسینگک، پاکستان وزیراعظم عمران خان نا ویژن ءِ تینا کننگ نا سوب آن داناجوڑی تون مون تننگ اٹ سرسہب مسنے۔ شہریار آفریدی پارے کہ قطری سفیر نا پرجوش انداز پاکستان و قطر انا دوستانہ تعلقداری تے پین سوگو کننگ اٹ کمکار مریک۔ ہندوستان اٹی ہندوتوا نا حکومت بھلو کچ اسے آ بزورطاقت ہندو جوڑ کننگ کن مذہبی اقلیت آتے شست کننگ ءِ۔ آفریدی پارے کہ کشمیر اٹی مسلمان نسل کشی نا شیطانی ڈٹ انا رداٹ ہندوتوا حکمران مسلمان تے شہید کننگ ءِ۔ کشمیری مسلمان تے بند کننگ تون اوار اوار زالبول آتون بیدادی برجاءِ۔
