بنجائی وزیر ڈٹ بندی اسد عمر و خصوصی کمکار عثمان ڈار نا نیام اٹ اوڑدہی ٹی اسہ لکھ ورناتے ٹیکنیکل ایجوکیشن نا کمک اٹ روزگار فراوان کننگ آ سلابت، تعلیمی ادارہ غاتا ملنگ تون ٹیکنیکل و ووکیشنل ٹریننگ سیشن تا بناکننگ آامنا

اسلام آباد۔ 28 اگست (اے پی پی) ورناتے روزگار نا فراوانی کن حکومتی گام گیج آتیٹی ترندی اتنگانے۔ بنجائی وزیر ڈٹ بندی اسدعمر و خصوصی کمکار عثمان ڈار جمعہ نادے آ اوڑدہی ٹی اسہ لکھ ورناتے ٹیکنیکل ایجوکیشن نا کمک اٹ روزگار نا فراوانی آ سلابت کرینو و ملک اٹی تعلیمی ادارہ غاتا ملنگ تون ٹیکنیکل وووکیشنل ٹریننگ سیشن تا بناءِ کننگ ا امنا کننگا۔ اوڑدہی ٹی ٹائیگر فورس نا پوسکن آ زمواری تا بابت پلان آ ہم سرجم سلابت کننگا۔ داوخت آ گپ وتران کرسا بنجائی وزیر ڈٹ بندی، شونداری واصلاحات اسد عمر پارے کہ سرسہب ورنا پروگرام کن حکومت ہروڑنا مالی کمک فراوان کیک، ورنامیرات ءُ، او ملکی زرگزران نا پہیہ ءِ رواں کننگ اٹ کمکارمریرہ۔ وزیراعظم نا خصوصی کمکار امور نوجوانان عثمان ڈار پارے کہ سرسہب ورنا پروگرام نارداٹ ہم 10 لکھ ورناتے روزگار تننگک۔ پروگرام آن زر ہلوک آ ورناک کاروباری سرجزآتا بناءِ کرینو۔ اوپارے کہ وزیراعظم خواہک ورناتا ملکی شونداری و شونہالی ٹی شریدار جوڑ کننگے۔ اوپارے کہ ٹائیگر فورس ءِ ای گورننس سسٹم نا کمک اٹ میدان اٹ دڑفنگک۔