اسلام آباد ۔ 27 اگست (اے پی پی) صدر ڈاکٹر عارف علوی ءَ دراھیں سٹیک ہولڈرز ءِ سرا زور داتگ کہ آں ملک ءِ تہ ھاندانی منصوبگ بندی ءِہزمت ءِ پراھی ھاترا شریں گام گیج ءَ چست کن انت، ھاندانی منصوبگ بندی ،مات ءُ چک ءِ جان سلامتی ءُ مات ءِ شیر وارینگ ءِ باروا سرپدی ودی کنگ ءِ ھاترا میڈیا ءِ کرد ھاس انت۔اے ھیالانی درشان آہاں پنچ شمبے ءَ ایوان صدر ءِ تہ کنٹری ڈائریکٹر پاپولیشن کونسل ڈاکٹر زیبا ستار ءِ نیمگا چہ احتساب ڈیش بورڈ ءِ سرا داتگیں پریزینٹیشن ءِ تہ کتگ انت۔ ڈاکٹر زیبا ستار ءَ فیملی پلاننگ ءِ ہزمتانی ارزشت ءُ احتساب ڈیش بورڈ ءِ تیاری سرا روژنی مان کتگ۔ اے ڈیش بورڈ آباتی ءَ را کم کنگ ءِ شرح افزائش کم کنگ ءِ درگت ءَ یکجاھیں نپ ءُ سیت ءِ کونسل (سی سی آئی) ءِ پیسلہ سرا ہمک صوبگ ءِ دیمروئی ءِ نگہوانی ءُ جائزگ زورگ ءِ ھاترا ھاسیں کرد ادا کن ایت۔دیوان ءِ تہ پارلیمانی سیکرٹری برائے قومی صحت خدمات ڈاکٹر نوشین حامد، کنٹری ڈائریکٹر پاپولیشن کونسل ڈاکٹر زیبا اے ستار، ڈائریکٹر جنرل وزارت قومی صحت خدمات شاہد حنیف ءُ پاپولیشن کونسل ءِ دگہ ٹوھیں باسکاں بھرزوری کتگ۔
