اسلام آباد ۔ 27 اگست (اے پی پی) بنجاہی وزیر امور کشمیر ءُ گلگت بلتستان علی امین گنڈاپور ءِ گوما ترک کواپریشن اینڈ کوارڈینیشن ایجنسی ءِ کنٹری ہیڈ گوخان امت ءَ پنچ شمبے ءَ ادا گند ءُ نند کتگ۔گند ءُ نند ءِ تہ دوئیں ملکانی میان ءَ ہڈ براتیں سیادی ءُ لہتیں تکانی تہ جاڑی کمک ءِ باروا سرجمیں گپ ءُ تران کنگ بوتگ۔اے موہ سرا بنجاہی وزیر ءَ ترک حکومت ءِ ھاسیں وڈ ءَ ترک صدر طیب اردگان ءِ نیمگا چہ کشمیر ءِ جیڈھ سرا پدریں گپ زورگ سرا ترک حکومت ءُ مہلوک ءِ منت گپتگ انت ءُ گوشت کہ ترکی ءِ نیمگا چہ کشمیر ءِ جیڈھ سرا پدریں گپ ءُ کشمیریانی حق خود ارادیت ءِ یکشل پلہ مرزی ءَ را پاکستانی ءُ ءُ کشمیری مہلوک مزنیں شرپ ءِ چماں چارگ انت۔آہاں گوشت کہ ترکی ءُ پاکستان ءِ میان ءَ دھکاں چہ کوھنیں سیادی انت ہمہ وھد گوزگ ءَ گوں باز سوگو بوھگ انت۔ بنجاہی وزیر ءَ گوشت کہ دوئیں ملکانی میان ءَ ربیدگی کمک بے مثالا نت۔ءُ ترکی ءِ ڈرامہ پاکستان ءِ تہ باز نامدارانت۔
