لاہور۔27 اگست (اے پی پی )گور نر پنجاب چوہدری محمدسرور گوما صدر بین الپارلیمانی یونین یو گبریلا کویس بیرن ءَ گور نر ہاﺅس لاہور ءِتہ گند ءُ نند کتگ۔ گند ءُ نند ءِ تہ کشمیرءِ جیڈھ ،دودیمی پارلیمانی امور،امن ءُ دیمروئی ءِ ھوار دگہ معاملہانی باروا گپ ءُ تران کنگ بوتگ۔اے موہ سرا سینیٹر مرزا آفریدی ءُ پرنسپل سیکرٹری ٹو گورنرپنجاب ڈاکٹر راشد منصور ھم ساڑی ات۔گند ءُ نند ءِ تہ گور نر پنجاب چوہدری محمدسرور ءَ صدر بین الپارلیمانی یونین یو گبریلا کویس بیرن ءَ را پنجاب ءِ تہ کورونا ءِ تالان ،کورونا چہ بے روزگار بیوکیں غریب ھاندانانی کمک ءُ ڈاکٹرز ءِ ھوار پیرامیڈکس ءَ را پروٹیشن چیز پھجارگ ءِ ھوار دگہ گامانی باروا سرپد کتگ ءُ گوشت کہ کورونا بحران ءِ تہ فلاحٛ گل ءَ گوں ھوار ءَ غریب ھانداناں را راشن ءِ پھجارگ ھم کنگ بوتگ وھدیکہ صدر بین الپارلیمانی یونین یو گبریلا کویس بیرن ءَ کورونا ءِ تالان ءَ را دارگ ءِ ھاترا سمارٹ لاک ڈاﺅن پالیسی ءُ ریلیف ءِ گاماں را ساڑاتگ۔ گور نر پنجاب چوہدری محمدسرور ءَ گوشت کہ پاکستان امن ءِ سرا یقین ءَ ایر کنگ انت۔،ناشرکاری ءِ ھلاسی ءُ امن ءُ ایمنی ءِ برجاہ ھاترا پاکستان ءِ سیکورٹی فورسز ءِ ھوار مہلوک ءَ ہمہ قربانی داتگ انت ایشی ءِ مثال نیست انت۔
