اسلام آباد ۔ 27 اگست (اے پی پی)ربالکار دری معاملہانی کارگس ءَ پلوامہ اُرش ءِ تہ بھارتی بہتام ءَ را گوں ترندی ءَ رد کنان ءَ گوشت کہ بھارتءَ شاھدی دیگ ءِ ابید پاکستان ءِ ھلاپ ءَ پروپیگنڈہ بندات کتگ۔ کشمیر ءِ جیڈھ حڷ کنگ ءِ ابید جنوبی ایشیا ءِ تہ پائیدار امن ہڈ مہ بیت۔میاں استمانی براتری ءَ را کشمیریانی ھلاپ ءَ جرمانی ھاترا بھارت ءَ را زمہ وار قرار دیگ ءِ ھاترا وتی دراھیں وسلگ ءَ کارمرز کنگ بنت۔پنچ شمبے ءَ ھپت روچی بریفنگ ءِ تہ ربالکار ءَ گوشت کہ بھارت ءَ زوربرتگیںکشمیر ءِ تہ زلم ءُ زوراکی ءِ رد برجاہ داران ءَ بے ڈوھیں کشمیری ءَ را شہید کرتگ۔ربالکار ءَ گوشت کہ پاکستان کشمیریانی جدوجہد آجوئی ءِ پلہ مرزی برجاہ دارایت۔آہاں گوشت کہ سلامتی کونسل ءِ منگ نامہ ءِ ردا زوربرتگیں کشمیر ءِ مہلوک ءِ حق خودارادیت دیگ چہ اے جیڈھ حل بہ بیت۔کشمیر ءِ جیڈھ ءِ حل ءِ ابید جنوبی ایشیا ءِ تہ سوگو ءِ امن ممکن نیست انت۔پاکستان کشمیر ءِ جیڈھ ءِ حل یواین منگ نامہ ءِ ردا لوٹگ انت۔کلبھوشن یادیو کیس ءِ باروا یک جستے پسو دیان ءَ ربالکار ءَ گوشت کہ پاکستان میاں اوستمانی آمیدگس انصاف ءِ پیسلہ سرا سرجم وڈ ءُ پیم ءِ ھاترا پرجزم انت۔
