اسلام آباد ۔ 27 اگست (اے پی پی)نیشنل کمانڈ اینڈآپریشن سنٹر (این سی او سی) ءَ کورونا وائرس ءِ ھوالہ چہ نوکتریں کچ ءُ کساس ءِ جاڑی کتگ انت۔ پنچ شمبے ءَ این سی او سی ءَ چہ جاڑٛ کچ ءُ کساس ءِ ردا گوستگیں 24 کلاکانی تہ کورونا ءِ 445 نادراہانی ٹیسٹ پازیٹو اتکگ انت وھدیکہ گوستگیں 24 کلاکانی تہ 6 نادراہ سرجمیں ملک ءِ نادراہ جاہانی تہ بیران بوتگ انت۔گوستگیں 24کلاکانی تہ 23 ہزار 441 کورونا ءِ ٹیسٹ کنگ بوتگ انت۔ ایشی ءِ تہ سندھ ءِ تہ 6 ہزار 389، پنجاب ءِ تہ 9 ہزار 938،خیبرپختونخوا ءِ تہ 3 ہزار 167، اسلام آباد ءِ تہ 3 ہزار 65، بلوچستان ءِ تہ 454،گلگت بلتستان ءِ تہ 350،آزاد کشمیر ءِ تہ 178 ٹیسٹ کنگ بوتگ انت۔تنیگہ تاں سرجمیں ملک ءِ تہ کورونا چہ جان دراھ بیوکیں مردمانی کساس دولکھ 79 ہزار 561 بوتگ انت۔آزاد کشمیر،گلگت بلتستان ءُ بلوچستان ءِ تہ ہچ کورونا نادراھ وینٹی لیٹر سرا نیست انت۔گوستگیں 24 کلاکانی تہ سرجمیں ملک ءِ تہ کورونا ءِ ایکٹو کیسانی کیسز کساس 8 ہزار 803 انت۔ سرجمیں ملک ءِ تہ کورونا ءِ نادراہانی کساس 2 لکھ 94 ہزار 638 انت ایشاں چہ آزاد کشمیر 2 ہزار 272، بلوچستان 12 ہزار 721، گلگت بلتستان 2 ہزار 773، اسلام آباد 15 ہزار 562، خیبر پختونخوا 35 ہزار 893، پنجاب 96 ہزار 540 سندھ 1 لکھ 28 ہزار 877 مریض انت۔ سرجمیں ملک ءِ تہ کورونا چہ بیران بوتگیں مردمانی کساس 6 ہزار 274 انت۔
