اسلام آباد۔ 27 اگست (اے پی پی) قومی احتساب بیورو(نیب) چیئرمین نیب جسٹس جاوید اقبال نا پارت آ وائٹ کالر کرائم نا گچین جاست وپاست کن دمدستی وڑاٹ اسہ اسپیشل سیل اس جوڑ کننگ نا فیصلہ کرینے۔ نیب حوالی نا رداٹ نیب انا خصوصی سیل اٹ وائٹ کالر کرائم نا گچین جاست وپاست کن بے کچ آزموندہ کار تفتیشی آفیسر، بینکر، چارٹڈ اکاؤنٹنٹس، انکم خراج نا چاہندار وکیل، فرانزک و مالیاتی چاہندار آک اوار مریرہ ہراکہ وائٹ کالر کرائم نا جاست وپاست اٹی نیب آفیسر آتا کمک ءِ کیرہ۔ داکان بیدس کانودی موشگافی تے گچین وڑاٹ سرپند کننگ اٹ کمک رسینگک۔ نیب انا اسپیشل سیل وائٹ کالر کرائم جاست وپاست اٹی پین کمکاری کن ایس ای سی پی، ایف بی آر، اسٹیٹ بینک آف پاکستان و ایلو تعلقدار غاتیان کانود نا رداٹ راہشونی دوئی کننگ نا مجاز مریک۔
