اسلام آباد۔ 27 اگست (اے پی پی) وزیراعظم نا خصوصی کمکار راجی رکھ و تخفیف نیزگاری ڈاکٹر ثانیہ نشتر پارینے کہ احساس قومی راجی و زرگزرانی رجسٹری نا سروے ملک انا چندی ضلع غاتیٹی برجاءِ۔ تینا بیان اٹی ڈاکٹر ثانیہ نشتر پارے کہ کمپیوٹرائزڈ وڑوڈول اٹااُراتا کچ آ راجی و زرگزرانی حساب وکتاب یکجا کننگ انگ ءِ۔ پوسکن آ وڑوڈول آن نیزگاراُراتا سہی پیدواری ءِ کننگ ممکن مریک۔ خیبر پختونخوا ٹی احساس سروے نا باقاعدہ بناءِ کرک و مالاکنڈآن کننگانے۔ احساس نا ماسٹر ٹرینر استاد آتا فیلڈ اٹ سروے نا ٹریننگ کرفنگ اُن۔ ایلو صوبہ پنجاب و سندھ انا گڑاس ضلع غاتیٹی سروے مرحلہ وار برجاءِ۔ صوبہ بلوچستان اٹی بھاز زوت احساس رجسٹریشن ڈیسک انا دُوارہ بناءِ کننگک۔ کوروناوائرس نا دین انا حالیت آتا رداٹ 31 اگست آن پد ملک انا 15 ضلع غاتیٹی تحصیل نا کچ آ احساس رجسٹریشن ڈیسک دُوارہ ملنگک۔ 15 ستمبر آن پد ملک انا ایلو 60 ضلع غاتیٹی ہم رجسٹریشن نا بنامریک۔
