30 روچ ءِ اندر ءَ ایشانی سیاد ءُ وارس آناں زرۤ پجارینگ بہ بنت ، صدر ءِ مملکت ڈاکٹر عارف علوی ءِ پنت ءُ شون
اسلام آباد ۔ 26 اگست (اے پی پی) صدر مملکت ڈاکٹر عارف علوی ءَ توان ءِ بھر ءُ بانگ کنوکیں کمپنی ءِ نیمگ ئَ 8 سال پیسر زالبول ءُ ایشی یے زھگ آنی کرنٹ لگگ ءِ سبب ءَ بیران ءِ پد ءَ جار جتگیں زرۤ آنی رسینگ ءُ پجاری ءَ مھتلی کنگ ءِ پد ءَ ناراضی ءِ درشان کتگ ءُ پنت ءُ شون کتگ کہ 30 روچ ءِ اندر ءَ سیاد ءُ وارس آناں اے زرّ پجاری کنگ بہ بنت۔ ایوان ءِ صدر ءِ میڈیا کارگس ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ حیدر آباد الیکٹرک سپلائی کمپنی حیسکو ءِ نیمگ ءَ زرۤ آنی پجاری ءِ کار ءِ تہ ءَ مھتلی کنگ ءِ رد ءَ ناراضی ءِ درشان کتگ ءُ گوشتگ کہ حیسکو بنجاھی محتسب ءِ حکم ءِ پد ءُ رند ءَ بکنت ءُ 30 روچ ءِ اندر ءَ شکاست کنوک ءَ را زرّ آں بہ پُجارین ایت۔ گیش ھال آںی رد ءَ اے جیڈھ ءِ انکوائری ءِ حکم ءَ دیان ءَ ایشی ءِ تہ ءَ مھتلی ءِ سبب ءُ سرجمیں رپوٹ بنجاھی محتسب سیکریٹریٹ ءَ را 30 روچ ءِ اندر ءَ جم کنگ ءِ ھم پنت ءُ شون کتگ۔ لطیف آباد، حیدر آباد ءِ جاھ منند محمد عمر صدیق ءِ لوگ بانک ءُ زھگ 11 کے وی بائی ٹینشن لائن سدگ ءِ سبب ءَ 8 ستمبر 2012 ءَ کرنٹ لگگ ءِ سبب ءَ بیران بوتگ انت۔ محمد عمر ءَ حیسکو ءِ زرۤ آنی دزبندی جم کنائینت پدا ھم ایشرا اے بابت ءَ اچ پسو نہ دیگ بوتگ ۔ آئی ءَ اے ھوالگ ءَ ریلیف ءِ واستہ بنجاھی محتسب ءَ گوں نزیکیں کتگ۔ حیسکو ءَ بنجاھی محتسب ءَ اے واکیہ ءِ تہ ءَ وتی ردئی من اتگ ءُ گوشتگ کہ زرۤ آنی پجاری ءِ کیس بورڈ آف ڈائریکٹرز ءَ را پیسر ءَ روان دیگ بوتگ انت۔ گوشداری ءِ ساھت ءَ حیسکو ءِ نماھندگ ڈپٹی منیجر علی خان جمالی ءَ 60 روچ ءِ اندر ءَ زرّ آنی دیگ ءِ منظوری ءِ سوگند م کتگ بوتگ ایشی ءِ پد ءَ بنجاھی محتسب ءَ 7 مئی 2019 ءَ تاں شکاست کنوک ءَ را رزۤ دیگ ءِ دل یکیمی ءِ پنت ءُ شون کنان ءَ اے جیڈھ ءِ سر ءَ گبیش پٹ ءُ پول بند کتگ بوتگ۔ حیسکو ءَ اے جیڈھ ءِ پد ءَ بنجاھی محتسب ءِ دیم ءَ نا ایوک ءَ چار ءُ بچار ءِ اپیل جم کتگ ءُ نا کہ 30 روچ ءِ اندر ءَ اے پیسلہ ءَ را چیلنج کتگ۔ حیسکو ءَ 12 مار ءَ صدر ڈاکٹر عارف علوی ءِ کرا ری پریزنٹیشن فائل کت پدا ھم ایشرا زرۤ آنی دیگ ءَ مھتلی کنگ ءِ پد ءَ جست ءُ پرس ءُ 30 روچ ءِ اندر ءَ زرۤ آناں پجارینگ ءِ دل یکیمی ءِ پنت ءُ شون کنگ بوتگ۔
