اسلام آباد ۔ 26 اگست (اے پی پی) بنجاھی وزیر اھوالکاری ءُ شنگ کاری سینیٹر شبلی فراز ءُ راجی وردن ءُ وراک ءِ رکھینوک سیدۤ فخر امام ءَ گوشت کہ ڈن ءَ چہ آورتگیں گندم ءِ 66 ہزار ٹن ءِ اولی بار کراچی ءِ دکہ ءَ کئیت۔ گندم ءِ مارکیٹ ءَ پجگ ءَ چہ پیسر نیاد آںی تہءَ سد ءَ چہ بگر تاں سد ءُ پنجاھ کلدار کمی کئیت، ستمبر 4 لکھ 88 ہزار ٹن ءِ چار جہاز پاکستان پج ایت ایشی ءَ چہ پد مارکیٹ ءِ تہ ءَ نیاد آنی برجائی بیت، آیوکیں باندات ءَ اے ڈکالی جاور آں چہ بچگ ءِ واستہ لُکوکیں ، ءُ دراج بُریں گامگیج انوگ ءَ چہ بندات کتگ انت۔ اے ھیالانی درشانی دوئیں بنجاھی وزیر آں پی آئی ڈی ءَ پریس کانفرنس ءَ گوں گشتانک دیان ءَ کت ۔ اے موہ ءِ سر ءَ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ درآمد کتگیں گندم ءِ اولی بار کراچی ءَ کئیت آیوکیں دو روچ ءَ گیش گندم پج ایت۔ ڈن ءَ چہ آورتگیں گندم مارکیٹ ءَ آیگ ءُ پجگ ءَ چہ پیسر گندم ءِ نیاد ءِ تہ ءَ کمی گندگ بوھگ ءَ انت۔ آئی ءَ گوشت کہ مزن وزیر عمران خان ھمروچگیں وردن ءُ وراک ھاسیں رنگ ءَ آرت ءُ شکر ءِ نیاد آںی تہ ءَ کمی آرگ ءِ واستہ یک شل ءَ واھشت ایگ انت، امبار آں چیر دیوک آنی ھلاپ ءَ کاروائی کنگ بیت آئی ءَ وت ڈکال پیداک کنوک آنی ھلاپ ءَ کاروائی کنگ بیت آئی ءَ گوشت نیاد آںی تہ ءَ گیشی ءِ سبب ءَ الس یک شل ءَ آماچ بوھگ ءَ انت، کوویڈ بہ بیت یا دگہ ڈکال ءِ سندھ حکومت مدام جیڈ ھ آںی سر ءَ سیاست کنت ءُ وتی نالائکی ءُ لٹ ءُ پُل ءَ را چیر دیگ ءِ واستہ بھتام ءَ بنجاھ ءِ سر ءَ جنت، بنجاھ ءَ 14 کھرب ءَ چہ گیش ھرچی فنڈ سندھ ءَ را داتگ آ کجا جنگ بوتگ انت، نواز شریف ھما کیس آںی تہ ءَ لوٹ انت ءُ ھمے ضامنی آئی ءَ دیگ بوتگ آئی ءَ کانود ءَ را تل پچی ءَ مزاک ءُ چیوا گپتگ ءُ لندن ءَ ھیش کنگ ءَ انت، آئی یے آرگ ءِ واستہ توامیں آسراتی آناں کارمرد کنگ بیت۔ اے ھیالانی درشانی آنی ءَ چار شمبے ءِ روچ ءَ پی آئی ڈی ءَ بنجاھی وزیر راجی وردن ءُ وراک ءِ رکھینوک سیدۤ فخر امام ءِ ھمبراھی ءَ کانفرنس ءَ گوں گشتانک دیان ءَ کت۔
