اسلام آباد ۔ 26 اگست (اے پی پی) مزن وزیر عمران خان ءَ گوشت کہ چاگرد ءِ ھمزوریں ءُ گریبیں مردم آنی ضلورت آناں پیلو کنگ مئے زمہ واری ءُ اولی کار انت، حکومت ءِ جوانیں کوشست انت کہ سبسڈی ءِ نطام ءَ را گہتر، ساپ ءُ سلہ ءُ سیم سر آنی در جنگ ءِ رد ءَ کنگ بہ بیت تانکہ سرکاری ھزانگ ءِ تہءَ ھرچ کتگیں زر آناں جوانیں رنگ ءَ کارمرد کنگ بہ بیت۔ آ چار شمبے ءِ روچ ءَ گریب ءُ کم کٹ کنوکیں مردم آنی ھمروچگیں وردن ءُ وراک ءِ رد ءَ حکومتی سبسڈی آنی پجاری ءِ کار ءَ را گیش جوانتر کنگ ءِ ھوالگ ءَ دیوان ءِ پاگواجئی ءَ کنگ ءَ انت۔ دیوان ءَ ھاسیں کمکار برائے چاگردی رکھینگ ڈاکٹر ثانیہ نشتر، سیکرٹری ھزانگ، چئیرمین نادرا ءُ ایندگر اپسرگ ھوار اتنت۔ مزن وزیر کارگس ءِ میڈیا ونگ ءِ رد ءَ حکومت ءِ نیمگ ءَ پجاری کتگیں سبسڈی ءِ لائکیں مردم آناں جوانیں رد ءَ پجاری ھاسیں رنگ ءَ گریبی ءِ آماچیں مردم آنی ھمروچگیں وردن ءُ وراکی چیز آنی رد ءَ سبسڈی گہتر کنگ ءِ ھوالگ ءَ جتا جتائیں شور ءُ سلاھ آںی سر ءَ چار ءُ تپاس گرگ بوت۔ مزن وزیر ءَ دیوان ءَ گوں گشتانک دیان ءَ گوشت کہ ھمزوریں ءُ گریبی یے آماچیں مردم آنی ضلورت ءَ را پیلو کنگ مئے زمہ واری ءُ اولی ترجی انت۔
