مزن وزیر عمران خان ءَ اوگانستان ءِ گوما براتی ءُ یکوئی آناں گیش برجم کنگ، توامیں شوبگ آنی تہ ءَ کمی ءَ را گیش ودینگ ءِ جزم ءِ درشان
اسلام آباد ۔ 26 اگست (اے پی پی) مزن وزیر عمران خان ئَ گوں اوگان ہائی کونسل برائے راجی وت مہ وتی یے چیئرمین ڈاکٹر عبداللہ عبداللہ ءَ ٹیلی فون ءِ سر ءَ گپ ءُ تران کت، مزن وزیر عمران خان ءَ اے موہ ءِ سر ءَ پاکستان ءِ اوگانستان ءِ گوما براتی آناں گیش برجم کنگ ءُ توامیں شوبگ آنی تہ ءَ کمک آناں گیش ودینگ ءِ جزم ءِ درشان کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ٹیلی فون کال ءِ ساھت ءَ مزن وزیر عمران خان ءَ پاکستان ءُ اوگانستاقن ءِ نیام ءَ دو نیمگی یکوئی ایشانی بنیات نیک راھ، دود ءُ ربیدگ، راجدپتر ءُ دوئیں ملک آںی الس آنی نیام ءَ نزیکیں رابطہ ءِ سر ءَ انت، ایشانی ارزشت ءَ را سہرا کنان ءَ ھمک شوبگ ءِ تہ ءَ یکوئی آنی ضلورت ءِ جزم ءِ درشان کت۔ مزن وزیر ءَ گوشت کہ آئی یے باز دیریگیں ءُ کوھنیں لیکہ ھمیش انت کہ اوگانستان ءِ جیڈھ ءِ اچ اُردی گیواری نیست انت ءُ ایشی یے ایوکیں گیواری سیاسی رنگ ءَ گپ ءُ تران ءِ سر ءَ بوت کنت۔ مزن وزیر ءَ ڈاکٹر عبداللہ عبداللہ ءَ را زوت پاکستان ءِ تر ءُ تاب ءِ دعوت دات تانکہ اوگانستان ءَ ایمنی ءُ گیواری ءَ را گیش ودینگ ءُ دوئیں ملک آنی نیام ءَ نزیکیں دوستی ءُ یکوئی آناں گیش برجم کنگ بہ بیت۔
