اسلام آباد۔ 26 اگست (اے پی پی) وزیر خارجہ مخدوم شاہ محمود قریشی پارینے کہ پاکستان انڈونیشیا تون تعلقداری تے بے کچ قدر انا نظر اٹ ہرک۔ داہیت ءِ او انڈونیشیا نا دزکش مروک آ سفیر ائیون سویودری عمری تون گپ وتران کرسا پارے ہرا چارشنبے نادے آ داڑے وزارت خارجہ ٹی اوڑتون اوڑدہی کرے۔ اوڑدہی ٹی ہڑتوم آ کنڈآتا تعلقداری و چندی بشخ آتیٹی ہڑتوم آ کنڈآتا کمکاری نا مون آ دننگ تون اوار تین پہ تینی است خواہی نا باندات آتیا گپ وتران کننگا۔ وزیر خارجہ پارے کہ پاکستان انڈونیشیا تون تعلقداری تے بے کچ قدر انا نظراٹ ہرک۔ وزیر خارجہ برادر ملک آتا نیام اٹ ہڑتوم آ کنڈآتا تعلقداری تیٹی گچینی اتنگ کن دزکش مروک آ سفیر نا کوشست آتا ستاءِ کرے و پارے کہ پاکستان انڈونیشیا تون ہڑتوم آ کنڈآتا تعلقداری تے پین ودفنگ نا خواہندار ءِ۔ وزیر خارجہ پارے کہ ہڑتوم آ ملک آتا نیام اٹ دفاع، واپار تون اوار چندی بشخ آتیٹی ہڑتوم آ کنڈآتا کمکاری ءِ پین مون آ دننگ نا گرج ءِ۔ وزیر خارجہ مقبوضہ جموں و کشمیر آ سلامتی کونسل اٹ مروک آ شرہ ٹی مثبت کڑد ادا کننگ آ انڈونیشیا نا منت واری ءِ ہرفے۔ انڈونیشیا نا سفیر کوویڈ۔ 19 نا دین نا سرسہبی اٹ مون ءِ توننگ آ پاکستان نا کڑد انا ستاءِ کرے۔
