اسلام آباد۔ 26اگست (اے پی پی) وزیراعظم نا سلاہکار پارلیمانی امور ڈاکٹر بابر اعوان پارینے کہ تھرپارکر اٹی یونیورسل سروس فنڈ انا کمک اٹ انٹرنیٹ نا آسراتی فراوان کننگ آ سجفنگک، ووہان اٹی فائیو جی سروس نا کمک اٹ کوویڈ۔ 19 نا تالان مننگ نا تاثر درست اف۔ چارشنبے نادے آ ایوان بالا نا دیوان اٹی وقفہ سوج آتیٹی سینیٹر گیان چند، سینیٹر رخسانہ زبیری، سینیٹر جہانزیب جمالدینی و ایلو باسک آتا سوج آتا ورندی ٹی اوپارے کہ تھرپارکر اٹ انٹرنیٹ نا سروس نا فراوانی کن گام گیج کننگک، دا چرجوئی ٹی یو ایس ایف نا رداٹ ہم دا آسراتی ءِ فراوان کننگ مریک۔ اوپارے کہ دا تاثر سہی اف کہ ووہان اٹ کوویڈ۔ 19 فائیو جی سروس آن تالان مس، دا سوشل میڈیا غا چلینگوک آخبرآک ءُ ہرافتے چین نا مخالف قوت آک تالان کرینو۔ اوپارے کہ بلوچستان اٹی مسہ ہزار پوسکن آ ہند آتا پیدواری ءِ کننگانے ہراڑے موبائل سروس نا فراوانی کن پوسکن ءُ ٹاور خلنگک۔
