اسلام آباد۔ 26 اگست (اے پی پی) برآمد آتیا مال برداری نا خڑچ آتیٹی تدوک آ مالی سال اٹی 11.16 درسد ودکی ریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نارداٹ مالی سال 2019-20ء ٹی برآمد آتیا مال برداری نا رداٹ 212.41 ملین ڈالر نا زرمبادلہ بیرہ مس ہرا پیوستہ مالی سال انا مقابلہ ٹی 11.16 درسدزیات ءِ۔ مالی سال 2018-19 ء ٹی برآمد آتیا مال برداری نا خڑچ آتا کچ 191.08 ملین ڈالر ریکارڈ کننگاسس۔ حساب وکتاب نارداٹ جاری مالی سال انا اولیکو تُو اٹی برآمد آتیا مال برداری نا خڑچ آتا کچ 11.78 ملین ڈالر ریکارڈ کننگا۔ تدوک آ مالی سال انا اولیکو تُو اٹی برآمد آتیا مال برداری نا خڑچ آتا کچ 19.60 ملین ڈالر ریکارڈ کننگاسس۔
