اسلام آباد ۔ 25 اگست (اے پی پی) صدر مملکت ڈاکٹر عارف علوی ءَ انڈسٹریل بائیو ٹیکنالوجی ءِ شوبگ ءِ دیمروئی ءِ ضلورت ءِ سر ءَ زور پر دیان ءَ گوشت کہ ایشی ءَ چہ ملکی برآمدی پڑ ءَ را گیشی ءَ کمک رسیت ایشی ءَ ھوار روزگار ءِ موہ ھم پیداک بیت۔ آئی ءَ اے ھیالانی درشانی سئے شمبے ءَ ادا جہلم بائیو ٹیکنالوجی پارک ءِ ھوالگ ءَ برجم داشتگیں دیون ءِ سروکی ءَ کنان ءَ کت۔ وزیر ءِ سائنس ءُ ٹیکنالوجی چوہدری فواد حسین ءَ صدر ءِ مملکت ءَ را ملک ءِ معاشی دیمروئی ءَ بائیو ٹیکنالوجی ہر بل میڈیسن پارک ءِ ارزشت ءُ کرد ءِ بابت ئَ بریفنگ دات۔ صدر ءِ مملکت ءَ گوشت کہ صنعتی بائیو ٹیکنالوجی مئے برآمدی پڑے تہ ءَ گیشی ءِ گوما ملک ءَ روزگار ءِ موہ پیداک کنگ ءِ ازم ءَ دار ایت۔ آئی ءَ گوشت کہ بائی ٹیکنالوجی ہربل میڈیسن پارک پاکستان ءِ چاگردی ءُ معاشی دیمروئی ءَ ارزشتی ایں کرد پیلو کنت۔ صدر ءِ مملکت ءَ وزارت ءِ سائنس ءُ ٹیکنالوجی ءِ سر ءَ زور پر دات کہ آ ریسرچ اینڈ ڈویلپمنٹ (آر اینڈ ڈی) منصوبگ آناں ملک ءِ معاشی ءُ چاگردی ضلورت آنی رد ءَ سہرا بکن انت۔ دیوان ءَ وزیر ءِ جنگلات پنجاپ سبطین خان، سپیشل سیکرٹری ہاوسنگ پنجاپ محمد شفیق احمد، پلاننگ کمیشن ءِ ممبر سائنس ڈاکٹر سیّد حسین عابدی، ایگزیکٹو ڈائریکٹر کامسیٹس ہیڈکوارٹر ڈاکٹر ایس ایم جنید زیدی ءُ ریکٹر کامسیٹس یونیورسٹی پروفیسر ڈاکٹر محمد تبسم افضل ءَ ھم بھر زوری کت۔
