اسلام آباد۔ 25 اگست (اے پی پی) وزیر مملکت ریاستیں و سیمی علاقہ جات(سیفران) شہریار آفریدی پارینے کہ وزیراعظم عمران خان 40 سال آن اوغان باہوٹ آتا میزبانی نا باندات ءِ دنیا نا مون آ جوان وڑاٹ پیش کرے۔ اونا وزارت امداد تروک آ بھلا ملک آتیا پیدوار کرینے کہ او اوغان باہوٹ آتیکن مالی کمکاری ٹی ودکی کیرہ۔ وزارت نا اِراسال انا کارکڑدرپورٹ ءِ شیئر کرسا پارینے کہ وزارت نا کنڈآن کروک آ کوشست آتیٹی پاکستان اٹ امریکی سفارت خانہ اوغان باہوٹ آتیکن اولیکو وار ڈونر کانفرنس نا میزبانی ءِ کرے۔ اومستی پارے کہ ریاست ہائے متحدہ امریکہ، چین، سویلی کوریا، سوئٹزرلینڈ و ایلو ملک آک ہم کوویڈ۔ 19 لاک ڈاؤن اٹ اوغان باہوٹ آتیکن خور فراوانی نا پیکج اٹ بشخ ہلکر۔ اوپارے کہ وزیراعظم عمران خان 40 سال آن اوغان باہوٹ آتا غیرمعمولی میزبانی نا باندات ءِ دنیا نا مون آ جوان وڑاٹ پیش کرے۔ اوپارے کہ وزارت اوغان باہوٹ آتا میزبان نا 40 سال انا رداٹ اسہ دود اسے نا بنا وبست وبند ءِ کریسس ہراٹی اقوام متحدہ نا سیکرٹری جنرل (یواین ایس جی) نا پاکستان آ بننگ مس۔ اوپارے کہ پاکستان کشمیر نا ویل ءِ ہم ہرفے و یواین ایس جی ءِ بے سلہہ بند کشمیری تیا بھارتی بیدادی آن معلومدار کرے۔ اوپارے کہ اوڑدہی تے مسہ سال انا وقفہ غان پد اڈتننگا ہراپاکستان، ایران، اوغانستان و یواین ایچ سی آر و اوغان باہوٹ آتا شرف اٹ وطن آ پدی ہِننگ کن سہ کڑدہ ئی (پاکستان، اوغانستان و یواین ایچ سی آر) میکانزم نا بحالی ٹی کمک کرے۔
