ہری پور۔ 25 اگست (اے پی پی) بنجائی وزیر توانائی، پیٹرولیم و قدرتی وسیلہ عمرایوب خان نا خصوصی پرمان تیا کانگڑہ 132 کے وی گریڈ اسٹیشن تون گنڈوک فیڈر صوابی میرا غا کاریم برجاءِ، ہراڑآن یونین کونسل لدڑ منگ اسکان مرمرانگا چندی خلق آتیان وولٹیج نا ویل انا چٹفنگ ممکن مریک۔ بنجائی وزیر عمرایوب خان نا سیکرٹری نعیم خان دورہ کرسا برجاکاریم نا جاچ ءِ ہلک۔ داوخت آ ایل ایس کنسٹرکشن آصف خان اودے کاریم نا بابت حوال تس۔ یونین کونسل لدڑمنگ نا السی حلقہ غاتا پاننگ ءِ کہ تدوک آ دور حکومت اٹ داعلاقہ ءِ رزاک اٹ پدتخنگا ہراڑآن ویل آتیٹی ودکی مس۔ بنجائی وزیر عمر ایوب خان، صوبائی وزیر تعلیم اکبر ایوب و راہشون پی ٹی آئی یوسف ایوب خان نا کوشست آتیان دا مُر مُر انگا علاقہ غاتیٹی شونداری نا اسہ پوسکن ءُ دور اس بناکرینے۔
