اسلام آباد۔ 25 اگست (اے پی پی) وزیراعظم نا خصوصی کمکار سی ڈی اے امور علی نواز اعوان و پی ٹی آئی نا سیکرٹری جنرل عامرمحمود کیانی سے شنبے نادے آ پیر ودھائی سوزی منڈی لنگرخانہ نا دورہ ءِ کریر۔ داوخت آ پی ٹی آئی نا کارندہ غاک ہم اوڑتون اوار ئسر۔ ہڑتوم آ راہشونک لنگرخانہ نا بست وبند آتا جاچ ءِ ہلکر۔ داوخت آ خصوصی کمکار پارے کہ حکومت مخلوق ءِ تینا سمجھسا اِرغ و چھت تننگ ءِ، داکان مست وخت اس ہم داوڑ متنے۔ اولنگرخانہ ٹی بست وبند آتے است جم گوندار۔ لنگرخانہ ٹی سیکورٹی حالیت آتا ہم جاچ ءِ ہلنگا۔ خصوصی کمکار علی نواز اعوان مخلوق ءِ لنگرخانہ ٹی تروک آ اِرغ تیان تینٹ ہم کُنگ و کُننگ نا آب ءِ است جم گوندا۔ داوخت آ پی ٹی آئی نا سیکرٹری جنرل عامر محمود کیانی پارے کہ نیزگار مخلوق ءِ مفت خور فراوان کننگ وزیراعظم عمران خان نا وژن ءِ۔ لنگرخانہ ٹی ہرامسافر مزور غٹ بریرہ اوفتے مفت خور و ہنکین تننگ اُن۔ نیزگار آتا خذمت نا چرجوئی و کوشست آتے برجاتخنہ۔
