اسلام آباد۔ 25 اگست (اے پی پی) وزیراعظم نا سلاہکار ادارہ جاتی اصلاحات ڈاکٹر عشرت حسین پارینے کہ وزیراعظم عمران خان غٹ بشخ آتیٹی اصلاحات نا عزم انا درشانی ءِ کرینے، 25 سال انا خرابی تے مُر کننگ اٹ وخت لگک، بنجائی حکومت نا محکمہ آتا کچ ءِ 440 آن کم کرسا 324 کننگ انگ ءِ۔ ادارہ جاتی اصلاحات نا اِراسال انا کارکڑد رپورٹ ءِ پیش کرسا وزیراعظم نا سلاہکار ادارہ جاتی ڈاکٹر عشرت حسین پارے کہ بدبختی اٹ گورننس نا نظام اٹ میرٹ و شفافیت آ سمجھوتہ مسنے اصلاحات پیکج نا مسخت غٹ بشخ آتا کارکڑد اٹ ودکی کننگ نا ءِ وزیراعظم عمران خان غٹ بشخ آتیٹی اصلاحات نا عزم انا درشانی ءِ کرینے، بنجائی حکومت نا سرکاری محکمہ غاتا کچ ءِ 440 آن کم کرسا 324 کننگ انگ ءِ وخت اس کہ سرکاری محکمہ غاتیٹی اسہ سال آن خورک 71 ہزار آن زیات آسامی تے چٹفنگانے۔ وزیراعظم نا سلاہکار پارے کہ لس بندغ نا مشکل آتا زوت ایسر و ریلیف فراوان کننگ وزیراعظم نا مشن ءِ 25 سال انا خرابی تے مُر کننگ اٹ گڑاس وخت لگک۔ ڈاکٹر عشرت حسین پارے کہ آٹومیشن آن وڈی خوری چٹک و ویل آک زوت ایسر مریرہ۔ اوپارے کہ بنجائی حکومت نا سرکاری محکمہ غاتا کچ ءِ 440 آن کم کرسا 324 کننگ انگ ءِ بنجائی محکمہ غاتیٹی اسہ سال آن خورک 71 ہزار آن زیات فالتو آسامی تے چٹفنگانے۔ وزیراعظم نا سلاہکار اصلاحات ڈاکٹر عشرت حسین پارے کہ ادارہ غاتا کارکڑد ءِ ودفنگ کن گام گیج برجاءِ ملازم آتا سالانہ کارکڑد ءِ ہُننگ نا وڑوڈول ءِ ہم بدل کننگ انگ ءِ۔ اوپارے کہ ملازم آتا مون نا گریڈ اٹ ترقی نا بنداو بیرہ کارکڑد مریک۔
