اسلام آباد۔ 25 اگست (اے پی پی) وزیراعظم نا خصوصی کمکار سیاسی ابلاغ ڈاکٹر شہبازگل پارینے کہ مسلم لیگ (ن) نا راہشون شہباز شریف ملکی زرگزرانی حالیت آتے بھاز خراب گوندسا الس ءِ ریفنگ نا کوشست کرے۔ جوان مریک کہ او پاکستانی زرگزرانی نا بابت بلومبرگ نا حوال ءِ خوانے۔ سے شنبے نادے آ اسہ ٹویٹ اسے ٹی او پارے کہ شہباز شریف و اونا سنگت آک پریس کانفرنس اٹ الس ءِ ریفنگ نا کوشست کریر و پاکستان نا زرگزرانی حالیت آتے بے کچ خراب گوندار۔ خواجہ بش مہ بلومبرگ پاکستانی زرگزران نا بابت اسہ حوال اس شینک کرینے، دادے خوان، افاقہ مریک۔
