اسلام آباد ۔ 24 اگست (اے پی پی) بنجاھی وزیر اھوالکاری ءُ شنگ کاری سینیٹر شبلی فراز ءَ گوں پارلیمانی وت مہ وتی نزیکی یونین ءِ صدر گیبریلا کیووس بیرن ءَ دو شمبے ءَ ادا گند ءُ نند کت۔ وزیر ءِ اھوالکاری ءُ شنگ کاری ءَ شرپ مندیں مہمان آناں وش اتک کنان ءَ گوشت کہ جتا جتائیں تک ءَ ملک آنی وت مہ وتی کمک ءُ یکوئی ءَ را دیمروئی ءُ یک ءِ دومی ءِ شرپ ءُ ازت کنگ ءِ موہ رسیت۔ آ ئی ءَ گوشت کہ پاکستان ءَ پرنٹ ءُ الیکٹرانک میڈیا ءَ الس ءَ تاں رسائی ءُ نزیکی آناں گیش کنگ ءِ ھوالگ ءَ گوستگیں سال ءِ ساھت ءَ یک مشت ءَ مٹ ءُ بدلی اتکگ۔ وزیر ءِ اھوالکاری ءَ گوشت کہ ڈیجیٹل میڈیا ءِ دیمروئی ءِ ھوالگ ءَ ھاسیں دلگوشی دیگ بوھگ ءَ انت۔ اے موہ ءِ سر ءَ “بین الپارلیمانی یونین ءِ صدر گیبریلا کیووس بیرن ءَ گوشت کہ پاکستان ءَ را مہمان داری ءِ گوما یک جوانیں ملک ءِ رد ءَ پجا کاراں۔ گند ءُ نند ءِ ساھت ءَ دوئیں نیمگ ءَ پاکستان ءُ میکسیکو ءِ نیام ءَ وقت مہ وتی اھوالکاری ءُ سیل ءُ سواد ءِ شوبگ ءَ کمک آنی رد ءَ دیمروئی ءِ ضلورت ءِ سر ءَ زور پردیگ بوت۔
