اسلام آباد ۔ 24 اگست (اے پی پی) مزن وزیر عمران خان ئَ گوشت کہ پاکستان چین ءِ گوما یکوئی آناں برجم دارگ ءَ را سک باز ارزشت دنت، پاکستان ءُ چین ءِ موہ ءُ مراد یکجائی انت، دوئیں ملک آنی نیام ءَ کاروبار یکوئی مئے اولسرئی کار آنی لڑ ءَ ھوار انت۔ اے گپ آئی ءَ ھاٹیگ ، رسانک ، کشت ءُ کشار، سائنس ءُ ٹیکنالوجی ، مالیاتی ءُ صنعتی سیکٹر ءِ چین ءِ 10 کمپنی آنی باسک آں گوں گوں تران کنان ءَ کت۔ ایشاں دو شمبے ءَ ادا مزن وزیر کارگس ءَ آئی ءَ گوں گند ءُ نند کت۔ دل ءَ پاور کنسٹرکشن کارپوریشن آف چائنہ ، چائنہ روڈ اینڈ بریج کارپورشین ، چائنہ گیژوبا (گروپ) پاکستان ، چائنہ تھری گورجیز سائتھ ایشیا انوسٹمنٹ کمپنی لمیٹڈ، چائنہ ریلوے گراپ لمیٹڈ، انڈسٹریل اینڈ کمرشل بینک آف چائنہ مشینری انجینئرنگ کارپوریشن ءُ چائنہ موبائل پاکستان لمیٹڈ ءِ نماھندگ ھوار اتنت۔ اے موہ ءِ سر ءَ پاکستان ءَ چین ءِ سفیر یائوجنگ ءُ ہائیر کمپنی ءِ سی ای او جاوید آفریدی ھم ساڑی ات۔ وزیر ءِ رسانک مراد سعید، وزیر ءِ صنعت محمد حماد اظہر، وزیر ءِ منصوبگ بندی اسد عمر، مشیر ھزانگ ڈاکٹر عبدالحفیظ شیخ، مشیر تجارت عبدالرزاق داﺅد، چیئرمین سرمایہ کاری بورڈ عاطف آر بخاری، چیئرمین سی پیک اتھارٹی لیفٹیننٹ جنرل (ر) عاصم سلیم باجوہ ھم اے موہ ءِ سر ءَ ساڑی اتنت۔ چینی ڈل ءَ پاکستان ءَ چینی سرمایہ کار ءُ کاروبار کمیونٹی ءَ را آسراتی پجاری ءَ زاتی واھگ زورگ ءِ پد ءَ مزن وزیر ءِ شگر ءُ منت واری گپت۔ ڈل ءَ استیں حکومت ءِ کاروبار دوستیں پالیشی ھاسیں رنگ ءَ کاروبار ءِ تہ ءَ آسانی آنی پد ءَ دل یکیمی ءِ درشان کت۔ آئی ءَ پاکستان ءَ جتا جتائیں سیکٹرز آنی تہ ءَ کاروبار ءَ را گیش شاھیگان کنگ ءُ سرمایہ کاری پڑ ءَ گیش گیشی ءِ جزم ءِ درشان کت۔ مزن وزیر ءَ چینی سرمایہ کار آناں دل یکیمی دات کہ مئے حکومت چینی سرمایہ کار آناں ھمک رنگیں آسراتی پجاری ءَ را اولی ترجی دیگ بوھگ ءَ انت۔
