اسلام آباد۔ 24اگست (اے پی پی) وزیراعظم عمران خان پارینے کہ پاکستان نا زرگزران سہی کنڈآ ہِننگ ءِ، جولائی 2019ء ٹی 613 ملین ڈالر نسخان نا مقابلہ ٹی جون 2020ء ٹی 100 ملین ڈالر نا نسخان آن پد حالیت آک گچین مسنو۔ دوشنبے نادے آ تینا ٹویٹ اٹی اوپارے کہ جولائی 2020ء ٹی کرنٹ اکاؤنٹ اٹی 424 ملین ڈالر ودکی(سرپلس)جمع مسنے۔ اوپارے کہ حالیت آتیٹی دا پبی گچینی برآمدات ہرا جون 2020ء نا رداٹ 20 درسد زیات ئسر، نا پدریسہ بحالی و ریکارڈ ترسیلات زر انا بھرم ءِ۔
