راولپنڈی ۔ 23 اگست (اے پی پی) چیف جسٹس آزادجموں وکشمیر جسٹس راجہ سعید اکرم خان ءَ گوشت کہ جسٹس سردار محمد اسلم ءَ ہروھد انصاف ءَ را مقدم ایر کتگ،قانود ءُ انصاف ءِ برزدستی ءِ ھاترا کردادا کتگ۔آں یک شمبے ءَ ادا ڈسٹرکٹ بار ایسوسی ایشن راولپنڈی ءِ چیر دستی سپریم کورٹ ءِ پیسریگیں جسٹس سردار محمد اسلم ءِ یات ءَ برجمیں دلپدردی ریفرنس ءَ گوں گشتانک کنگ ات۔آہاں گوشت کہ پیسریگیں جسٹس سردار محمد اسلم ءَ ہمیشہ عدلیہ ءِ انصاف ءَ را مقدم ایرکتگ ۔ قانون ءُ انصاف ءِ برزدستی ءِ ھاترا وتی کرد ادا کتگ ہمہ کہ لائق تحسین انت، عدل و انصاف ءِ ھاترا آہانی ہزمت سرا خراج عقیدت پیش کنگ اوں۔آہاں گوشت کہ منی ھاترا شرپے گپ انت کہ من سردار اسلم ء ٹیمب ءِ بھر ات ، اٹارنی جنرل چہ سپریم کورٹ ءِ جسٹس تا آہاں ہروھد منی راھشونی کتگ۔جسٹس سردار محمد اسلم ءَ کانود ءِ حاکمی ءَ را ترجیح داتگ۔آئی ءِ ہزمت ءَ را کدی ھم شموشگ مہ بیت۔آئین ءُ کانود ءِ ھاترا آہانی ہزمت ءَ را یات ایر کنگ بیت۔دلپدردی ریفرنس ءَ چہ ہائیکورٹ اسلام آباد ءِ گوست جسٹس شوکت عزیز صدیقی، جسٹس (ر) شکور پراچہ،سپریم کورٹ بار ءِ صدر سید قلب حسن شاہ، صدرہائیکورٹ بارملک وحید انجم، ڈسٹرکٹ اینڈ سیشن جج راولپنڈی چوہدری طارق جاوید، ڈسٹرکٹ بار ایسوسی ایشن. راولپنڈی ءِ صدر سید غلام مصفےٰ کمال، جنرل سیکرٹری چوہدری یاسر محمود چٹھہ، شوکت ستی، خواجہ جاوید اقبال، قاری عبدالرشید، شفقت علی بھٹی، شیخ احسن دین،سردار احسن، ملک فیصل، سردار طارق، راجہ خالد، ملک جواد خالد، ثناء اللہ زاہد ایڈووکیٹس ءَ ھم تران کتگ ۔ اے موہ سرا ھدامرزی جسٹس سردار اسلم ءِ دو بچک عمر اسلم ءُ تیمور اسلم ھم ساڑی اتنت۔
