کشمیر ءُ جوہری پروگرام آنی سر ءَ اچ وڑیں منوگر کنگ نہ بیت، اے روچاں جیڈھ آنی سر ءَ پاکستان ءِ توامیں سیاسی گل آنی نیام ءَ وت مہ وتی تپاکی است انت، شہر یار خان آفریدی

اسلام آباد ۔ 22 اگست (اے پی پی) پارلیمانی کشمیر کمیٹی ءِ چئیرمین شہر یار خان آفریدی ءَ گوشت کہ کشمیر ءُ جوہری پروگرام ءِ سر ءَ اچ رنگیں منوگر کنگ نہ بیت، اے روچاں پاکستان ءِ توامیں سیاسی گل آنی نیام ءَ سرجمیں منگ نامہ وت مہ وتی است انت۔ “اے پی پی ” ءُ ریڈیو پاکستان ءَ را داتگیں پینل گلگدار ءِ تہ ءَ آئی ءَ گوشت کہ کشمیر ءُ جوہری پراگرام آنی سر ءَ اچ رنگیں منوگر کنگ نہ بیت۔ اے دوئیں کار پاکستان ءِ بنیاتی پالیشی آں گوں بندوک انت ءُ ایش پاکستان ءِ بنیات ءُ لیکہ آنی واستہ ضلوری انت۔ آئی ءَ گوشت کہ پاکستان ءِ 22 کروڑ الس وتی کشمیری برات آنی آجوئی جہد ءُ کوشست ءَ ھمگامی ءَ اوشتاتگ ءُ مزن وزیر عمران خان کشمیری آنی سفیر انت ءُ آئی ءَ دگنیا ءِ ھمک فورم ءِ سر ءَ کشمیر ءِ جیڈھ ءَ را سہرا کتگ ءُ آئی ءَ تران کنان ءَ گوشت کہ اسلامتی ملک آنی گل ءُ او آئی سی ، ترکی ایران ءُ ملائیشیا ءَ کشمیر ءَ گوانک ءَ را گیش سہرا کنگ ءِ واستہ ارزشتی ایں کرد پیلو کتگ۔