اسلام آباد ۔ 21 اگست (اے پی پی) مزن وزیر ءِ حاسیں کمک کار ڈاکٹر ثانیہ نشتر ءَ گشتگ کہ احساس ایمرجنسی کیش حاصل کنگ ءِ گڈی رمس 31 اگست 2020 اِنت۔ وتی بیان ءَ آئی ءَ گشتگ کہ درائیں بیران بوتگیں اہل مردمانی حاندان ءُ بائیومیٹرک ءِ جیڑہ ءِ آماچیں مردمانی پروگرام ہلاس بوہگ ءِ یک ماہے ءَ پد ہم وتی زراں کش اِت کناں۔ اگاں شمارا وتی اہلیت ءِ ہوالگ ءَ سرپدی نیست گڑا اے پورٹل ءِ سرءَ وتی اہلیت ءَ سرپد بہ بئے https://ehsaas.nadra.gov.pk/ehsaasTracking اگاں شما اہل اِت گڈا جہل لنک ءَ چہ زر دست گرگ ءِ بنجاہ ءِ ڈس ءُ نشان ءَ بچار اِت ءُ وتی زراں حاصل بہ کن اِت https://www.pass.gov.pk/Document/Downloads/Consolidatedlistof EECCampsitesBankBranches.pdf ، اگاں مات ءُ پت، لوگی ءُ لوگ واجہ اہل اَنت ءُ بیران بوتگ اَنت گڈا وتی دزبندی ءِ سرءَ حُدا مُرزی ءِ نام ءُ پجار کارڈ نمبر ءُ بیران بوتگیں مردم ءِ حاندان ءَ چہ یک دگہ حقداریں مردم ءِ نام ءُ نمبر ءُ پجار کارڈ نمبر ءَ درج بہ کن اِت اےڈسءُ نشان ءِ سرءَ دیمے بدے اِت۔ (۔ ڈاکٹر ثانیہ نشتر،معاون خصوصی برائے سماجی تحفظ وتخفیف غربت،ایف بلاک،پاک سیکرٹریٹ،اسلام آباد۔) اگاں شمااہل اِت بلے بائیومیٹرک بوہگ ءَنااِنت گڈا احساس ءِ نیمگ ءَ چہ اے وڑیں مردمانی ھاترءَ دگہ رھبند جوڑ کنگ بوتگ کہ اے ہوالگءَ شمارا بینک ءِ نامزد برانچ ءَ چہ ادائیگی ءِ ایس ایم ایس 8171 ءَ چہ دست کپیت کہ آئی ءِ تہءَ بینک برانچ ءِنام ءُ ڈس ءُ نشان ءُ زر ءِ دیئگ ءِ رمس نبشتہ بیت۔
