اسلام آباد ۔ 21 اگست (اے پی پی)کابینہ ءِ اقتصادی رابطہ کمیٹی (ای سی سی) ءِ ٹریڈنگ کارپوریشن آف پاکستان ءَ را بنداتی رنگ ءَ 2 لکھ ٹن گندم ءِ درآمد ءِ سر ءَ آرڈر جاڑٰ کنگ ءِ موہ داتگ۔ اقتصادی رابطہ کمیٹی ءِ دیوان آدینگ ءِ روچ ءَ ادا مزن وزیر ءِ مشیر برائے ھزانگ ڈاکٹر عبدالحفیظ شیخ ءِ سروکی ءَ برجم دارگ بوت۔ دیوان ءَ ٹریڈنگ کارپوریشن آف پاکستان ءَ را بنداتی رنگ ءَ 2 لکھ ٹن گندم ءِ درآمد ءِ آرڈر جاڑی کنگ ءِ موہ دات۔ دیوان ءَ را گوشگ بوت کہ جندی شوبگ ءِ نیمگ ءَ 5 لکھ ٹن گندم ءِ درآمد بندات کنگ بوتگ ءُ اولی جہاز 26 اگست ءَ پاکستان ءَ پج ایت ایشی ءَ چہ ملک ءَ گندم ءِ نیاد آنی تہ ءَ برجائی کئیت۔ دیوان ءَ جندی شوبگ آنی نیمگ ءَ شکر درآمد کنگ ءِ کساس ءِ تہ ءَ کمی یے پیسلہ ھم کنگ بوت۔
