بنجاھی وزیر اھوالکاری ءُ شنگ کاری سینیٹر شبلی فراز ءَ گوں سعودی سفیر نواف سعید المالکی ءِ گند ءُ نند شریکیں مردم آں میڈیا ءُ دود ءُ ربیدگ ءِ شوبگ ءَ کمک آناں دیمروئی دیگ ءِ سر ءَ تپاک کت، ٹی وی ڈرامہ آنی مٹ ءُ بدلی ءُ یک ءِ دومی ملک ءَ تامر آنی نماش ءِ سر ءَ زور دات

اسلام آباد ۔ 21 اگست (اے پی پی) بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ پاک سعودی یکوئی مُدام مھکمی ءُ برجم انت، ما راجدپتری یکوئی آناں گیش دیمروئی دیگ ءِ واستہ جزمیگ آں۔ اے ھیالانی درشانی آئی ءَ پاکستان سعودی سفیر نواف سعید المالکی ءِ گومان گند ءُ نند ءِ ساھت ءَ تران کنان ءَ کت آئی ءَ آدینگ ءِ روچ ءَ بنجاھی وزیر ءَ گوں گند ءُ نند کت۔ سینیٹر شبلی فراز ءَ گوشت کہ دوئیں ملک یکجائی اسلامتی شرپ ءُ ازت ءُ ریشگ آنی گوما بندوک انت۔ وزیر ءِ اھوالکاری ءَ گوشت کہ پاکستان ءِ الس خادمین الحرمین الشریفین ءِ بے کچ ءُ کساس ءَ شرپ ءُ ازت ءَ کناں۔ آئی ءَ گوشت کہ ما شہزادہ محمد بن سلمان ءِ وژن 2030 ءَ را ساڑاھاں۔