بیجنگ ۔ 21 اگست (اے پی پی) وزیر ءِ درئی کار مخدوم شاہ محمود قریشی ءَ چین ءِ صوبگ حینان ءَ چینی وزیر ءِ درئی کار وانگ ژی ءِ گوما گند ءُ نند کت۔ دوئیں درئی کار آنی وزیر آں پڑے ایمنی ءِ ھوالگ ءَ استیں بیم ءُ جیڈھ آنی واستہ وت مہ وتی کنوگر ءُ یکجائی کوشست آنی سر ءَ تپاک کت۔ ترجمان درئی کارانی کارگس ءِ رد ءِ وزیر ءِ درئی کار شاہ محمود قریشی ءَ آدینگ ءِ روچ ءَ چین ءِ صوبگ حینان ءَ چینی ھمکار وانگ ژی ءِ گوما گند ءُ نند ءِ ساھت ءَ دو نیمگی یکوئی، پڑے ایمنی ءِ جاور ھال ءُ پاک چین راہداری ءَ ھوار وت مہ وتی جتا جتائیں کار آنی سر ءَ ھیال ریچی کت۔ مخدوم شاہ محمود قریشی ءَ گوشت کہ پاک چین اقتصادی راہداری فیز ٹو ءِ چیر دستی ءَ منوگری بوتگیں منصوبگ آناں وھد ءُ موہ ءُ زوت سرجمیں مئے اولی ترجی آنی تہ ءَ ھوار انت، پاکستان ءُ چین ءِ نیام ءَ ھاٹیگ ءِ شوبگ ءَ منوگر بوتگیں 13 ارب ڈالر ءِ مالیتی منصوبگ دوئیں ملک آنی نیام ءَ اقتصادی کمک آناں گیش برجم کنگ ءَ کمکار سہرا بنت۔
