اسلام آباد۔ 21 اگست (اے پی پی) الیکشن کمیشن سیاسی جماعت آتے اسہ وار ولدا یات دہانی کرفینے کہ او تینا جماعت نا مالی سال 2019-20 ء نا حساب آتا گوشوارہ غاتے 29 اگست اسکان جمع کرفر۔ الیکشن کمیشن نا کنڈآن جمعہ نادے آ جاری پریس ریلیز نا رداٹ سیاسی جماعت آتے پاننگانے کہ او تینا سالانہ کٹیا و خڑچ، فنڈ آتا ذریعہ و میرات آتا سرجم آتے چارٹرڈ اکاؤنٹ فرم انا اکاؤنٹس نا آڈٹ رپورٹ و پارٹی نا عہدیدار اس ہراسرکڑدہ نا کنڈآن اختیار تخے، نا کنڈآن ممنوع ذریعہ غان فنڈ دوئی کپننگ، درست مالی پوزیشن نا سرٹیفکیٹ تون اوار 29 اگست اسکان جمع کرفر۔ الیکشن ایکٹ 2017ء نا رداٹ ہر سیاسی جماعت کن مالی سال نا ایسری نا 60 دے انا تہہ ٹی تینا حساب آتا سرجم آتے جمع کرفنگ کانودی گرج ءِ۔
