اسلام آباد۔ 21 اگست (اے پی پی) بنجائی وزیر ڈٹ بندی، شونداری، اصلاحات و خصوصی گام گیج و نیشنل کمانڈ اینڈ آپریشن سینٹر (این سی او سی) نا چیئرمین اسد عمر پارینے کہ کوروناوائرس نا دین انا زہم آک کم مسنو ولے دانا خطرہ داسکان چٹتنے۔ جمعہ نادے آ تینا ٹویٹ اٹی اومعلومدار کرے کہ کوویڈ۔ 19 آن زہمی مروک آتا کچ کم مسنے ولے دانا خطرہ داسکان چٹتنے۔ اسد عمر پارے کہ این سی او سی ٹی صوبائی کمک اٹ نن ہر بابت تیاری کینہ ہرافتے ٹی عیدین، محرم، اسکول آتا ملنگ پین پین تون اوار ایلو باندات آک اوار ءُ۔ ہرافتا سوب آن وائرس نا تالانی ٹی ودکی مننگ کیک۔ بنجائی وزیر این سی او سی نا حکمت عملی نا امریکی شاعر رابرٹ فراسٹ نا نظم اٹ کرے۔ ہراٹی رابرٹ فراسٹ پاریسس کہ دُن تو برف اٹی شام انا وخت جنگل نا خڑک آ سلسا اونا زیبائی نا ندارہ ءِ کننگ مریک، ولے ای اسٹ اسے تون وعدہ کرینٹ، اودے پورو کننگ کن کنے خاچنگ آن مست میل آتا سفرءِ طے کروئی ءِ۔
