راولپنڈی۔ 21 اگست (اے پی پی ) بنجائی وزیرریلوائی شیخ رشید احمد پارینے کہ سعودی عرب وپاکستان اسہ جان اِرا است ءُ، ریلوائی ری اسٹرکچرنگ چار ہفتہ غان مست مریک۔ غٹ آن بھلا کاریم ایم ایل ون نا ءِ۔ ہراانقلاب اس اتیک و دا انقلاب پاکستان نا تقدیر ءِ بدل کیک، لکھ آ مخلوق ءِ روزگار ایتک و داڑآ ہچ ءُ کراسنگ اس مفک۔ عثمان بزدار قائم و دائم سلک، چین اتون ریلوائی ٹریک نا جوڑ کننگ نا مفاہمت نا یات داشت نا معاہدہ مس ہراکہ بی او ٹی نا بنداو آ مریک، لئی ایکسپریس وے انا بابت ہچ ءُ اڑاند اس اف، مچ آ فزیبلٹی جوڑ مس، پی سی ون جوڑ مس، شہباز شریف ءِ مریم اختہ کننگ کن ہِننگ ءِ، مریم ہرا خل تے ایسونے دا غٹ خلک نیب ءِ خلنگتنو بلکن شہباز نا سیاست ءِ خلنگانو۔ انشاء اللہ نُت، بورہ ہم اڑزآن مننگ والا ءُ، نُت امپورٹ کرینن بورہ ہم امپورٹ کننگ والااُن، مچ آ کوڑی کروک آتے تباہ و برباد کینہ، بے شک ننے امپورٹ مروک بورہ سبسڈی ترسا اڑزآن سودا کروئی تما تو ایتنہ ولے کوڑی کننگ چٹک، ہراتسکان اپوزیشن نا ہیت ءِ فضل الرحمان نوشتہی معاہدہ نا خواست کرینے و پارینے کہ کنتون وعدہ کبو کہ کنے تنیا الیپیرے ہنپیرے، ای فضل الرحمان ءِ پاوہ کہ او ہلرہ کارہ اول تو اوبفسہ، اخس کہ مخلوق ٹی وی آ پاننگ ءُ دا غٹ ہموفک ءُ ہرافتا نیب اٹی کیس ءِ۔ عمران خان ہروڑنا بھلو فیصلہ اس کننگ کیک ولے این آر او خواہوک آتے شرمندگی مریک، اوفتے عدالت آتا ٹرائل آن گدرینگوئی مریک۔ داخیال آتا درشانی ءِ بنجائی وزیر جمعہ نادے آ پوسٹ گریجویٹ کالج زالبول، صدر نا بناءِ کننگ نا وخت آ اڈ ہلوک آ دیوان آن تران و اوکان پد میڈیا تون گپ وتران کرسا کرے۔ داوخت آ ایم این اے بنجائی پارلیمانی سیکرٹری شیخ راشد شفیق، وائس چانسلر پروفیسر ڈاکٹر عالیہ سہیل، ڈائریکٹر کالجز شیر احمد ستی پرنسپل پوسٹ گریجویٹ کالج زالبول صدر پروفیسر یاسمین قمر، ڈویژنل سپرنٹنڈنٹ ریلوائی سید منور شاہ و چندی کالج آتا پرنسپل صاحب و استاد آک ہم ساڑی ئسر۔
