اسلام آباد ۔ 20 اگست (اے پی پی) صدر مملکت ڈاکٹر عارف علوی ءَ اسرائیل ءَ را منگ ءُ نہ منگ ءِ مزن وزیر عمران خان ءِ پالیشی بیان ءَ را وش اتک کناں ما فلسطین ءِ جیڈھ ءِ دو ریاستی گیواری ءِ منوک آں، کشمیرری آناں اچبر ایوک یل نہ کناں ہندو فاشسٹ پالیشی برجا نہ بیت بلکینگ ءَ کشمیر زوت آزات بیت، سعودی عرب ءِ گوما یکوئی برجم انت ءُ برجم بیت، سول ءُ اردی سروک ، توامیں ادارگ ءُ میڈیا یک مشت انت، ما درست کانودی، معاشی ءُ معاشرتی انصاف لوٹاں۔ ما کرپشن ءِ سر ءَ اچ کم ءُ گیش کت نہ کناں، ما لوٹاں کہ دیمروئی ءِ کار ءِ تہ ءَ اچ پینگ ءُ مھتلی مہ بیت، مشکلیں جاور آں ابید معیشت کامیاتی ءِ نیمگ ءَ رھادگ انت، موڈیز ءُ فچ ءَ پاکستان ءِ معاشی درجگ بندی ءَ را گہتر جوڑ کتگ، دیامیر بھاشا ڈیم ءِ سرجم ءَ چہ ملکی ھاٹیگ ءِ ضلورت سرجم بنت، ایم ایل ون منصوبگ ءَ چہ ترندیں سفری آسراتی رسیت، وانگ ءُ زانگ ءِ دیرموئی ، جان سلامتی کارڈ ءُ ھمگونگیں زانشت ءِ کتاب آنی تیاری حکومت ءِ ارزشتی ایں گامگیج انت۔ آباتی ءِ تہ ءَ ترندی ءَ گوں گیشی ء، سبب ءَ راجی آسراتی ءِ سر ءَ زور گیش بوھگ ءَ انت، اسلام ءِ جوانیں رھبند آنی رد ءَ زالبول ءِ مراث ءِ ھک ءَ را دل یکیم کنگ بہ بیت، بنجاھی ءُ صوبائی حکومت ء، کمک ءَ چہ کراچی ءِ جیڈھ آناں گر ءُ دار کنگ بوت کنت، راج ءَ ناشرکاری ، کشاں چیل ءُ ایندگر جیڈھ آناں کامیاتی ءَ گوں گر ءُ دار کتگ، کورونا جاور ھال آنی ساھت ءَ ھمزوریں تبک ءِ واستہ ریلیف پیکج لائک ءِ ستا انت۔ پنچ شمبے ءِ روچ ءَ سیمی پارلیمانی سال ءِ بنگیج ءَ پارلیمنٹ ءِ دوئیں ایوان آنی یکجائی دیون ءَ گشتانک دیان ءَ کت آئی ءَ گوشت کہ دومی پارلیمانی سال ءِ سرجم بوھگ ءِ پد ءَ گوں دل ءِ جھلانک ءَ گوں مبارکی پیش کناں۔ من سیمی رنگ ءَ اے شرپ مندیں پالیمان ءِ یکجائی دیوان ءَ گشتانک دیگ ءِ شرپ رسگ ءَ انت ءُ من ایشی ءِ پد ءَ اللہ سبحانہ وا تعالیٰ ءِ شگر ءُ منت وار آں۔ صدر ءِ مملکت ءَ گوشت کہ راج آنی زندمان ءِ بازیں بھر انچیں بنت کہ آ وتی آسر آں چہ راجدپتر ءَ وت ءَ نمیران کناں۔ پاکستان ھم انچیں موہے تہ ءَ گوزگ ءَ انت۔ اے شریں موہ ات کہ گوستگیں وھد ءِ نزیکیں واکیہ آنی سر ءَ چمشانک دیان ءَ گوستگیں یک سال ءِ کار کرد ءَ بچار آں کہ چے سک اتگ ، چے کتگ؟ جوان کتگ یا ھراب؟ ءُ آیوکیں باندات ءِ کشک آناں گچین بکن انت۔ آئی ءَ گوشت کہ ورنا آنی واستہ آئی یے کلوہ انت کہ آ استیں دور ءِ جیڈھ آنی گیواری ءِ واستہ نوکیں زمانگ ءِ زانت ءُ زانش ءَ چہ سیت ءُ نپ چست بکن انت ءُ وتی نیک راھی، سویلائیزیشن ءُ معاشرتی شرپ ءُ ازت ءَ را وتی یک زمہ واریں شہری ءِ رد ءَ مھکم بدار انت ءُ وتی بزرگ ءُ ملک ءُ راج ءِ ازمت ءِ تہ ءَ وتی کرد ءَ پیلو بکن انت۔
