اسلام آباد۔ 20 اگست (اے پی پی) حریت راہشون یاسین ملک نا اُرائی مشعال ملک پارینے کہ بھارتی غیر کانودی مقبوضہ کشمیر اٹ بھارتی فورس آک تدوک آ بیست ءُ چار گھنٹہ ٹی مسہ کشمیری ورناتے شہید کریر۔ بھارتی فورس آک سرچ آپریشن نا آڑاٹ اُراتیٹی پترینگسا ورناتے شہید کننگ ءُ، بھارت کشمیری تا نسل کشی ءِ کننگ ءِ۔ تینا اسہ بیان اسے ٹی مشعال ملک پارے کہ بھارت کوروناوائرس لاک ڈاؤن نا آڑاٹ کشمیری ورناتے شہید کرے۔ اقوام متحدہ مقبوضہ کشمیر اٹ کشمیری تا کشت وخون نا انکوائری کن مقبوضہ کشمیر اٹ تینا کمیشن ءِ گدریفے۔ بھارتی فورس تہارکانود نا رداٹ کشمیری تا کشت وخون ءِ کننگ ءِ۔
